વિરાટ કોહલીથી પણ વધારે ફિટ છે આ પાકિસ્તાની ખેલાડી, યો-યો ટેસ્ટમાં વિરાટને પછાડ્યો

યો-યો ટેસ્ટમાં હસન અલીએ શાનદાર પ્રદર્શન કર્યું હતું તો ઓલરાઉન્ડર ઇમાદ વસીમ તેમાં ફેલ થયો હતો. પાકિસ્તાન ક્રિકેટે યો-યો ટેસ્ટ માટે 17.4નો સ્કોર નિર્ધારિત કર્યો હતો પણ વસીમ 0.2ના માર્જિનથી ટેસ્ટમાં ફેલ થયો હતો.

યો-યો ટેસ્ટમાં હસન અલીનો વિરાટ કરતા વધારે સ્કોર કરવો મોટી વાત છે કારણ કે ભારતીય કેપ્ટનને હાલના સમયમાં સૌથી ફિટ ક્રિકેટર ગણવામાં આવે છે. હસન અલીએ ફક્ત વિરાટ જ કરતા જ નહીં ટીમ ઇન્ડિયાના બધા ખેલાડીઓ કરતા વધારે સ્કોર કર્યો છે. યો-યો ટેસ્ટમાં ભારત તરફથી સૌથી વધારે સ્કોર મનીષ પાંડેનો છે. તેણે યો-યો ટેસ્ટમાં 19.2નો સ્કોર મેળવ્યો છે.

નવી દિલ્હીઃ યૂએઈમાં 15 સપ્ટેમ્બરે એશિયા કપની શરૂઆત થશે જેના માટે પાકિસ્તાન ખૂબ મહેનત કરી રહી છે. પાકિસ્તાનની ટીમે લાહોરમાં એક કેમ્પ લગાવ્યો જેમાં યો યો ટેસ્ટ લેવામાં આવ્યો. આ ટેસ્ટ દરમિયાન પાકિસ્તાનના ફાસ્ટ બોલર હસન અલીએ શાનદાર પ્રદર્શન કર્યું અને વિરાટ કોહલીને પણ યો યો ટેસ્ટમાં પાછળ છોડી દીધો છે. જાણકારી અનુસાર હસન અલીએ યો યો ટેસ્ટમાં 20 સ્કોર કર્યો છે. જ્યારે વિરાટ કોહલીનો યો યો ટેસ્ટમાં 19નો સ્કોર છે.