ભારત સામે પ્રથમ વન ડે જીતવા છતાં વેસ્ટ ઈન્ડિઝની ટીમને થયો તોતિંગ દંડ, જાણો શું છે કારણ

ભારત સામે મેચ જીતી હોવા છતાં વેસ્ટ ઈન્ડિઝના તમામ ક્રિકેટરની 80% મેચ ફી સ્લો ઓવર રેટના કારણે કાપી લેવામાં આવી હતી. વેસ્ટ ઈન્ડિઝે નિર્ધારીત સમય મર્યાદામાં 4 ઓવર ઓછી ફેંકી હતી.

ચેન્નઈઃ વેસ્ટ ઇન્ડિઝે શિમરોન હેટમાયર અને શાઈ હોપની સદી વડે પ્રથમ વનડેમાં ચેન્નઇના એમએ ચિદમ્બરમ સ્ટેડિયમ ખાતે ભારતને 8 વિકેટે હરાવ્યું હતું. આ સાથે વિન્ડીઝે ત્રણ વનડેની સીરિઝમાં 1-0ની લીડ મેળવી લીધી છે. ટોસ હાર્યા બાદ પ્રથમ બેટિંગ કરતાં ટીમ ઈન્ડિયાએ  50 ઓવરમાં 8 વિકેટે 287 રન કર્યા હતા. વેસ્ટ ઈન્ડિઝે 47.5 ઓવરમાં 2 વિકેટના નુકસાન પર 291 રન બનાવીને લક્ષ્યાંક હાંસલ કરી લીધો હતો.

Back-to-back fours from Nicholas Pooran finish the chase! 🎉

West Indies go 1-0 up in the series 🏆 #INDvWI | SCORECARD 👇 https://t.co/9QkJ4D8HOy pic.twitter.com/iKKnGYqsTY — ICC (@ICC) December 15, 2019

ભારત સામે મેચ જીતી હોવા છતાં વેસ્ટ ઈન્ડિઝના તમામ ક્રિકેટરની 80% મેચ ફી સ્લો ઓવર રેટના કારણે કાપી લેવામાં આવી હતી. વેસ્ટ ઈન્ડિઝે નિર્ધારીત સમય મર્યાદામાં 4 ઓવર ઓછી ફેંકી હતી. જેના કારણે આઈસીસીના કોડ ઓફ કન્ડક્ટ ફોર પ્લેયર્સ એન્ડ પ્લેયર સપોર્ટ પર્સનલ 2.22 મુજબ આ સજા કરાઈ હતી. આ માટે ઔપચારિક સુનાવણીની જરૂર નહોતી. કારણકે વેસ્ટ ઇન્ડિઝના સુકાની પોલાર્ડે મેચ પૂરી થયા બાદ ગુનો કબૂલી લીધો હતો અને સૂચિત મંજૂરી સ્વીકારી હતી. ઓન-ફીલ્ડ અમ્પાયર નીતિન મેનન અને શોનન જ્યોર્જ, થર્ડ અમ્પાયર રોડની ટકર અને ચોથા અમ્પાયર અનિલ ચૌધરીએ આ કાર્યવાહી કરી હતી.