IPL 2020 KKR v RCB : ડિવિલિયર્સે બનાવ્યો મોટો રેકોર્ડ, આ ખાસ લિસ્ટમાં થયો સામેલ

આજે કોલકાતા સામેની મેચમાં રોયલ ચેલેન્જર્સ બેંગ્લોરના બેટ્સમેન એબી ડિવિલિયર્સે રાહુલ ત્રિપાઠી અને ટોમ બેંટોનના કેચ કરવાની સાથે અનોખો કીર્તિમાન સ્થાપ્યો હતો. તે આઈપીએલમાં 100 કેચ પકડનારા ખેલાડીના લિસ્ટમાં સામેલ થઈ ગયો હતો.

(ફાઈલ તસવીર)

IPL 2020 KKR v RCB: ઈન્ડિયન પ્રીમિયર લીગમાં આજે 39મો મુકાબલો કોલકાતા નાઇટ રાઇડર્સ અને રોયલ ચેલેંજર્સ બેંગ્લોર વચ્ચે રમાઈ રહ્યો છે. ક્રિકેટની દુનિયામાં ‘કેચ જીતાવે મેચ’તેમ કહેવામાં આવે છે. એક કેચના કારણે ઘણી મેચના પરિણામ બદલાઈ ગયા હોવાનું જોવા મળ્યું છે. આ રમતમાં બેટિંગ, બોલિંગ ઉપરાંત ફિલ્ડિંગ પણ મહત્વની છે. સારી ફિલ્ડિંગ દ્વારા હરિફ ટીમને વધારે રન બનાવતી રોકી શકાય છે. આજે કોલકાતા સામેની મેચમાં રોયલ ચેલેન્જર્સ બેંગ્લોરના બેટ્સમેન એબી ડિવિલિયર્સે રાહુલ ત્રિપાઠી અને ટોમ બેંટોનના કેચ કરવાની સાથે અનોખો કીર્તિમાન સ્થાપ્યો હતો. તે આઈપીએલમાં 100 કેચ પકડનારા ખેલાડીના લિસ્ટમાં સામેલ થઈ ગયો હતો. IPL ઈતિહાસમાં સૌથી વધારે કેચ પકડનારા ખેલાડીના લિસ્ટમાં સુરેશ રૈના ટોચ પર છે. રૈનાને મિસ્ટર આઈપીએલ પણ કહેવાય છે. પરંતુ આ સીઝનમાં તે અંગત કારણોસર રમી રહ્યો નથી.