ઇજાગ્રસ્ત એડમ મિલ્નેના રિપ્લેસમેન્ટ તરીકે ચેન્નાઇની ટીમમાં સામેલ કરાયો 19 વર્ષીય ઘાતક ક્રિકેટર, જાણો વિગતે

એડમ મિલ્ને કોલકત્તા નાઇટ રાઇડર્સ વિરુદ્ધ સીએસકેની પહેલીમાં હેમસ્ટ્રીંગની ઇજાનો સામનો કરવો પડ્યો હતો, અને હવે તે આખી ટૂર્નામેન્ટમાંથી બહાર થઇ ગયો છે. 

(પ્રતિકાત્મક તસવીર)

IPL 2022: મુંબઇ ઇન્ડિયન્સ વિરુદ્ધ મેચ પહેલા જ ચેન્નાઇ સુપર કિંગ્સની ટીમમાં એક નવા ખેલાડીની એન્ટ્રી થઇ છે. ન્યૂઝીલેન્ડના ફાસ્ટ બૉલર એડમ મિલ્ને ઇજા પહોંચતા તે બહાર થઇ ગયો હતો, હવે તેની જગ્યાએ તેના રિપ્લેસમેન્ટ તરીકે સીએસકેએ પોતાની ટીમમાં ઘાતક ક્રિકેટર મથીશા પથિરાનાને સામેલ કર્યો છે. 

એડમ મિલ્ને કોલકત્તા નાઇટ રાઇડર્સ વિરુદ્ધ સીએસકેની પહેલીમાં હેમસ્ટ્રીંગની ઇજાનો સામનો કરવો પડ્યો હતો, અને હવે તે આખી ટૂર્નામેન્ટમાંથી બહાર થઇ ગયો છે. 

હવે મિલ્નેના રિપ્લેસમેન્ટ તરીકે ચેન્નાઇ સુપર કિંગ્સની ટીમમાં સામલે થયેલો મથીશા પથિરાના 19 વર્ષીય શ્રીલંકન બૉલર છે. મથીશા પથિરાના 2020 અને 2022 માં શ્રીલંકાના U19 વર્લ્ડકપ ટીમનો ભાગ રહી ચૂક્યો છે. સીએસકેએ તેને 20 લાખની કિંમતમાં પોતાની ટીમમાં સામેલ કર્યો હતો. 

મથીશા પથિરાના આઇપીએલ રિપ્લેસમેન્ટના લિસ્ટમાં સામેલ થનારો 6 છઠ્ઠો ખેલાડી બની ગયો છે. જોકે, સીએસકેએ હજુ સુધી દીપક ચાહરના રિપ્લેસમેન્ટની જાહેરાત નથી કરી. દીપક ચાહરને ચેન્નાઇએ 14 કરોડ રૂપિયામાં ખરીદીને ટીમમાં સામેલ કર્યો હતો. સીએસકે ઉપરાંત રાજસ્થાન રૉયલ્સે પણ નાથન કૂલ્ટર નાઇલના રિપ્લેસમેન્ટનુ એલાન નથી કર્યુ. 

આ પણ વાંચો.......