GT vs MI Live Streaming: ગુજરાત અને મુંબઇ વચ્ચે આજે થશે ટક્કર, જાણો બંન્ને ટીમોની સંભવિત પ્લેઇંગ ઇલેવન?
IPL 2023માં મુંબઈ ઈન્ડિયન્સની સફર આસાન રહી નથી.
Gujarat Titans vs Mumbai Indians Live Telecast: ઇન્ડિયન પ્રીમિયર લીગ 2023 ની 35મી મેચ આજે (25 એપ્રિલ) ગુજરાત ટાઇટન્સ અને મુંબઇ ઇન્ડિયન્સ વચ્ચે યોજાશે. આ મેચમાં મુંબઈની ટીમ જીત તરફ વાપસી કરવા ઈચ્છશે. રોહિત શર્માની ટીમને છેલ્લી મેચમાં પંજાબ કિંગ્સ સામે 13 રનથી હારનો સામનો કરવો પડ્યો હતો. જ્યારે ગુજરાત ટાઇટન્સે તેની છેલ્લી મેચમાં લખનઉ સુપર જાયન્ટ્સ સામે 7 રને રોમાંચક જીત નોંધાવી હતી. ગુજરાત ટાઇટન્સ અને મુંબઈ ઈન્ડિયન્સ વચ્ચેની મેચ અમદાવાદના નરેન્દ્ર મોદી સ્ટેડિયમમાં રમાશે.
आजचा 🎯: Getting back to winning ways 😤👊#OneFamily #GTvMI #MumbaiMeriJaan #MumbaiIndians #IPL2023 #TATAIPL pic.twitter.com/CsxcjTvVPQ
— Mumbai Indians (@mipaltan) April 25, 2023
મુંબઈની સફર આસાન રહી નથી
IPL 2023માં મુંબઈ ઈન્ડિયન્સની સફર આસાન રહી નથી. આ સીઝનમાં રોહિત શર્માની ટીમે સતત 2 હાર સાથે શરૂઆત કરી હતી. પરંતુ મુંબઈએ પછીની ત્રણ મેચ જીતીને જોરદાર વાપસી કરી હતી. પરંતુ 22 એપ્રિલે પંજાબ સામેની મેચમાં મુંબઈની ટીમને હારનો સામનો કરવો પડ્યો હતો. બીજી તરફ ગુજરાત જાયન્ટ્સનું પ્રદર્શન વધુ સારું રહ્યું છે. IPL 2023માં હાર્દિક પંડ્યાની ટીમ અત્યાર સુધી 6 મેચ રમી છે જેમાંથી 4માં જીત અને 2માં હાર થઈ છે. જો પોઈન્ટ ટેબલ પર નજર કરીએ તો ગુજરાતની ટીમ ચોથા નંબર પર છે અને મુંબઈ ઈન્ડિયન્સની ટીમ સાતમા નંબર પર છે.
બંન્ને ટીમોની સંભવિત પ્લેઇંગ ઇલેવન
ગુજરાત ટાઇટન્સ
રિદ્ધિમાન સહા, શુભમન ગિલ, હાર્દિક પંડ્યા (કેપ્ટન), વિજય શંકર, અભિનવ મનોહર, ડેવિડ મિલર, રાહુલ તેવટિયા, રાશિદ ખાન, મોહમ્મદ શમી, અલઝારી જોસેફ, મોહિત શર્મા.
મુંબઈ ઈન્ડિયન્સ
રોહિત શર્મા (કેપ્ટન), ઈશાન કિશન, કેમરૂન ગ્રીન, સૂર્યકુમાર યાદવ, ટીમ ડેવિડ, તિલક વર્મા, અર્જુન તેંડુલકર, ઋતિક શોકીન, જોફ્રા આર્ચર, પીયૂષ ચાવલા, જેસન બેહરનડોર્ફ.
IPL 2023: દિલ્હી કેપિટલ્સે હૈદરાબાદને સાત રનથી હરાવ્યું, મુકેશ કુમારે અંતિમ ઓવરમાં કર્યો કમાલ
DC vs SRH Match Highlights: દિલ્હી કેપિટલ્સે સનરાઇઝર્સ હૈદરાબાદને 7 રનથી હરાવ્યું હતું. દિલ્હીએ સનરાઇઝર્સે હૈદરાબાદ સામે મેચ જીતવા માટે 145 રનનો લક્ષ્યાંક રાખ્યો હતો, પરંતુ 20 ઓવરમાં 6 વિકેટે 137 રન જ બનાવી શકી હતી. સનરાઇઝર્સ હૈદરાબાદ તરફથી ઓપનર મયંક અગ્રવાલે સૌથી વધુ રન બનાવ્યા હતા. મયંક અગ્રવાલે 39 બોલમાં 49 રનની ઇનિંગ રમી હતી. તેણે પોતાની ઈનિંગમાં 7 ચોગ્ગા ફટકાર્યા, પરંતુ તે ટીમને જીત અપાવી શક્યો નહોતો. આ સિવાય હેનરી ક્લાસને 19 બોલમાં 31 રનનું યોગદાન આપ્યું હતું. તેણે પોતાની ઇનિંગમાં 3 ફોર અને 1 સિક્સર ફટકારી હતી. જ્યારે વોશિંગ્ટન સુંદરે 15 બોલમાં અણનમ 24 રન બનાવ્યા હતા
ટોપ સ્ટોરી
ટ્રેન્ડિંગ સમાચાર
