Virat Kohli IPL 2022: ગુજરાત સામે કોહલીની આક્રમક ઇનિંગ, બનાવ્યો આ ખાસ રેકોર્ડ

તે આ સિઝનમાં ત્રણ વખત ગોલ્ડન ડક પર આઉટ થયો છે, આ ઈનિંગ પહેલા વિરાટ કોહલીએ માત્ર એક ફિફ્ટી ફટકારી હતી

ફોટોઃ IPL

Royal Challengers Bangalore vs Gujarat Titans: ઇન્ડિયન પ્રિમિયર લીગ 2022ની 67મી મેચમાં ગુજરાત ટાઇટન્સ સામે રોયલ ચેલેન્જર્સ બેંગ્લોરની 8 વિકેટે જીત થઇ હતી. આ મેચ જીત્યા બાદ RCBએ પ્લેઓફમાં પહોંચવાની આશા જીવંત રાખી છે. આ જીત બાદ હવે આરસીબીના 16 પોઈન્ટ થઈ ગયા છે.

IPL 2022: Chase master Virat Kohli takes RCB to fourth after win against GT

Read @ANI Story | https://t.co/OTjG7Ff4qa#IPL #IPL2022 #ViratKohli #RCB pic.twitter.com/OPDZj6tBgf

— ANI Digital (@ani_digital) May 19, 2022

રોયલ ચેલેન્જર્સ બેંગ્લોરના ભૂતપૂર્વ કેપ્ટન વિરાટ કોહલીએ ગુજરાત ટાઇટન્સ (જીટી) સામે ધમાકેદાર ઇનિંગ્સ રમી હતી જેને જોઇને ભારતના ક્રિકેટ ચાહકો ખુશ થયા હતા. વિરાટ કોહલીએ આ ઇનિંગમાં 73 રન ફટકાર્યા હતા. જેમાં 8 ફોર અને 2 સિક્સ સામેલ હતી.

આ સિઝનમાં વિરાટ કોહલીની આ બીજી અડધી સદી છે. વિરાટ કોહલીએ ગુજરાતના બોલરો સામે શાનદાર શોટ્સ ફટકાર્યા હતા. વિરાટ કોહલીએ માત્ર 33 બોલમાં પોતાની ફિફ્ટી પૂરી કરી હતી.

આ રેકોર્ડ કોહલીના નામે થયો છે

વિરાટ કોહલીએ આ ઇનિંગ સાથે એક મોટો રેકોર્ડ પણ બનાવ્યો છે. T20 ક્રિકેટમાં વિરાટ કોહલીએ રોયલ ચેલેન્જર્સ બેંગ્લોર માટે 7000 રન પૂરા કર્યા છે. આવું કરનાર તે એકમાત્ર બેટ્સમેન છે. આ IPL અને ચેમ્પિયન્સ લીગને એક કરીને છે.

તે આ સિઝનમાં ત્રણ વખત ગોલ્ડન ડક પર આઉટ થયો છે, આ ઈનિંગ પહેલા વિરાટ કોહલીએ માત્ર એક ફિફ્ટી ફટકારી હતી. ખરાબ ફોર્મના કારણે વિરાટ કોહલીની સતત ટીકા કરવામાં આવી રહી હતી. પૂર્વ ક્રિકેટરો તેને આરામ કરવાની સલાહ આપી રહ્યા હતા.