Australian Open: જૈનિક સિનરે જીત્યું ઓસ્ટ્રેલિયન ઓપન 2025નું ટાઇટલ, ફાઇનલમાં જ્વેરેવને હરાવ્યો

Australian Open: સિનરે અગાઉનું ઓસ્ટ્રેલિયન ઓપન 2024નું ટાઇટલ પણ જીત્યું હતું. આ તેની કારકિર્દીનો પહેલો ગ્રાન્ડ સ્લેમ હતો.

Jannik Sinner

Source : X/@Olly_Tennis_

Australian Open:  ઇટાલીના સ્ટાર ટેનિસ ખેલાડી જૈનિક સિનરે (Jannik Sinner) ઓસ્ટ્રેલિયન ઓપન 2025માં ધમાલ મચાવી દીધી છે. તેણે રવિવારે મેન્સ સિંગલ્સની  ફાઇનલમાં જર્મનીના એલેક્ઝાન્ડ જ્વેરેવને સીધા સેટમાં 6-3, 7-6(4), 6-3થી હરાવ્યો હતો. બંને સ્ટાર્સ વચ્ચેનો આ ફાઇનલ મુકાબલો 2 કલાક અને 42 મિનિટ સુધી ચાલ્યો હતો.

3 Grand Slam wins, 2 #AusOpen titles, 1 JANNIK SINNER 😍

Dominated from start to finish 👏@janniksin • #AO2025 pic.twitter.com/WvaAjsucNe

— #AusOpen (@AustralianOpen) January 26, 2025

છેલ્લા 13 મહિનામાં આ વિશ્વના નંબર-1 ખેલાડી સિનરનું ત્રીજું ગ્રાન્ડ સ્લેમ ટાઇટલ છે. તે ગયા ઓસ્ટ્રેલિયન ઓપન 2024માં ચેમ્પિયન હતો. આ પછી તેણે યુએસ ઓપન 2024નું ટાઇટલ જીત્યું હતું. હવે સિનરે પોતાનો ઓસ્ટ્રેલિયન ઓપન ટાઇટલનો બચાવ કર્યો હતો.

Sin's City!

Jannik reigns supreme to capture second #AusOpen crown!@wwos • @espn • @eurosport • @wowowtennis • #AO2025 pic.twitter.com/RnIJ8HBcrE

— #AusOpen (@AustralianOpen) January 26, 2025

બીજી તરફ વિશ્વના નંબર-2 એલેક્ઝાન્ડર જ્વેરેવ છે, જેમનું ગ્રાન્ડ સ્લેમ ટાઇટલ જીતવાનું સ્વપ્ન ફરી એકવાર ચકનાચૂર થઈ ગયું છે. તે 2015થી ગ્રાન્ડ સ્લેમ ટુર્નામેન્ટ રમી રહ્યો છે. આ સમયગાળા દરમિયાન તે ત્રણ વખત ફાઇનલ રમ્યો (વર્તમાન ફાઇનલ સહિત) પરંતુ દર વખતે નિરાશાનો સામનો કરવો પડ્યો હતો.

સિનરે 3 ફાઇનલ રમી અને ત્રણેય વખત ટાઇટલ જીત્યું

સિનરે અગાઉનું ઓસ્ટ્રેલિયન ઓપન 2024નું ટાઇટલ પણ જીત્યું હતું. આ તેની કારકિર્દીનો પહેલો ગ્રાન્ડ સ્લેમ હતો. ત્યારબાદ સિનરે ફાઇનલમાં રશિયાના ડેનિસ મેદવેદેવને 3-6, 3-6, 6-4, 6-4, 6-3 થી હરાવ્યો હતો.

આ વર્ષે સિનરે ફરી એક વાર હલચલ મચાવી અને પોતાનું બીજું ગ્રાન્ડ સ્લેમ ટાઇટલ જીત્યું હતું. સિનરે વર્ષના છેલ્લા ગ્રાન્ડ સ્લેમ ટુર્નામેન્ટમાં આ સિદ્ધિ મેળવી હતી. તેણે યુએસ ઓપન 2024નું ટાઇટલ પણ જીત્યું હતુ. ત્યારબાદ સિનરે ફાઇનલમાં ટેલર ફ્રિટ્ઝને સીધા સેટોમાં 6-3, 6-4, 7-5 થી હરાવ્યો હતો.

23 વર્ષીય સિનર અત્યાર સુધીમાં ત્રણ વખત ગ્રાન્ડ સ્લેમ ફાઇનલમાં પહોંચ્યો છે અને ત્રણેય વખત ટાઇટલ જીત્યો છે. ગયા વર્ષની શરૂઆતમાં તે ફ્રેન્ચ ઓપનની સેમિફાઇનલમાં હારીને બહાર થઈ ગયો હતો. તેણે 2023ની વિમ્બલ્ડન સીઝનમાં સેમિફાઇનલ રમી હતી અને તે જ રાઉન્ડમાં તે હારી ગયો હતો.

જ્વેરેવ હજુ સુધી ગ્રાન્ડ સ્લેમ ટાઇટલ જીતી શક્યો નથી

27 વર્ષીય જ્વેરેવ હજુ સુધી કોઈ ગ્રાન્ડ સ્લેમ ટાઇટલ જીતી શક્યો નથી. તેણે 2015માં વિમ્બલ્ડન ખાતે તેની પહેલી ગ્રાન્ડ સ્લેમ ટુર્નામેન્ટ રમી હતી. ત્યારથી તે સતત ગ્રાન્ડ સ્લેમ ટુર્નામેન્ટ રમી રહ્યો છે, પરંતુ એક પણ વાર ચેમ્પિયન બન્યો નથી.

તે અત્યાર સુધીમાં ત્રણ વખત કોઈપણ ગ્રાન્ડ સ્લેમની ફાઇનલ રમી ચૂક્યો છે. પણ મને ત્રણેય વાર નિરાશા મળી છે. જ્વેરેવે 2024 ફ્રેન્ચ ઓપન ફાઇનલ પણ રમી હતી, જ્યાં તેનો કાર્લોસ અલ્કારાઝ સામે પરાજય થયો હતો. જ્યારે જ્વેરેવ 2020 યુએસ ઓપન ફાઇનલ પણ રમી ચૂક્યો છે. પછી તેનો ડોમિનિક થિએમ સામે પરાજય થયો હતો.