Paris Paralympics 2024: પેરિસ પેરાલિમ્પિકની શાનદાર શરૂઆત, ભારત સહિત 167 દેશ સામેલ
Paris Paralympics 2024: ભારતની 84 સભ્યોની ટીમ પેરિસ પેરાલિમ્પિકમાં ભાગ લેશે, જેમાં 95 અધિકારીઓ પણ તેમની સાથે છે
Paris Paralympics 2024: ફ્રાન્સની રાજધાની પેરિસમાં પેરાલિમ્પિક્સ 2024ની શાનદાર શરૂઆત થઈ હતી. પરેડ દરમિયાન ભારત સહિત 167 દેશોના ખેલાડીઓએ જબરદસ્ત ઉત્સાહ દર્શાવ્યો હતો. રસપ્રદ વાત એ છે કે ગેમ્સના ઈતિહાસમાં પ્રથમ વખત ઉદ્ઘાટન સમારોહ સ્ટેડિયમની બહાર ચેમ્પ્સ એલિસીસ અને પ્લેસ ડે લા કોનકોર્ડ પર યોજાયો હતો. ભારતીય ભાલા ફેંકનાર સુમિત અંતિલ (F64) અને શોટપુટ ખેલાડી ભાગ્યશ્રી જાધવ (F34) સંયુક્ત ધ્વજવાહક હતા.
Paris Paralympics: Sumit, Bhagyashri lead India to vibrant welcome in opening ceremony
— ANI Digital (@ani_digital) August 28, 2024
Read @ANI Story | https://t.co/9hEWzPOCvw#ParisParalympics #IndianContingent #SumitAntil #BhagyashriJadhav pic.twitter.com/IOv5b3vb3l
ઓપનિંગ સેરેમનીમાં 167 દેશોની પરેડ
ભારતીય પેરાલિમ્પિક સમિતિના પ્રમુખ દેવેન્દ્ર ઝાઝરિયાએ જણાવ્યું હતું કે 29 ઓગસ્ટે સ્પર્ધાઓને કારણે 32 ખેલાડીઓએ ઓપનિંગ સેરેમનીમાં ભાગ લીધો ન હતો. 167 દેશોમાંથી ભારતીય ટુકડીના 106 સભ્યોએ પરેડમાં ભાગ લીધો હતો. જેમાં 52 ખેલાડીઓ અને 54 અધિકારીઓનો સમાવેશ થાય છે.
ભારતીય ટીમમાં કુલ 179 સભ્યો સામેલ છે.
ભારતની 84 સભ્યોની ટીમ પેરિસ પેરાલિમ્પિકમાં ભાગ લેશે, જેમાં 95 અધિકારીઓ પણ તેમની સાથે છે. આમાં વ્યક્તિગત કોચ અને સહાયકોનો પણ સમાવેશ થાય છે જેઓ ખેલાડીઓની વિશેષ જરૂરિયાતોને ધ્યાનમાં રાખીને તેમની સાથે હોય છે. આ રીતે ભારતીય ટુકડીમાં કુલ 179 સભ્યોનો સમાવેશ થાય છે. આ 95 અધિકારીઓમાંથી 77 ટીમ અધિકારીઓ છે, નવ ટીમ મેડિકલ ઓફિસર છે અને નવ અન્ય ટીમના અધિકારીઓ છે.
ભારતીય ટીમ રેકોર્ડ મેડલ લાવે તેવી આશા છે
ભારતે 2021માં ટોક્યો પેરાલિમ્પિક્સમાં પાંચ ગોલ્ડ સહિત વિક્રમી 19 મેડલ જીત્યા હતા અને એકંદર રેન્કિંગમાં 24મું સ્થાન મેળવ્યું હતું. ત્રણ વર્ષ પછી ભારતનું લક્ષ્ય ગોલ્ડ મેડલની સંખ્યાને બે આંકડામાં લઈ જવા અને કુલ 25 થી વધુ ચંદ્રકો જીતવાનું છે. ભારત આ વખતે 12 રમતોમાં ભાગ લઈ રહ્યું છે, જ્યારે ટોક્યોમાં 54 સભ્યોની ટીમે નવ રમતોમાં ભાગ લીધો હતો.
ગયા વર્ષે હાંગઝોઉ એશિયન પેરા ગેમ્સમાં ભારતે 29 ગોલ્ડ સહિત 111 મેડલ જીત્યા હતા. આ પછી મે મહિનામાં વર્લ્ડ પેરા એથ્લેટિક્સ ચેમ્પિયનશિપમાં ભારતે અડધો ડઝન ગોલ્ડ સહિત 17 મેડલ જીત્યા હતા.પેરિસ પેરાલિમ્પિક્સના ઉદ્ઘાટન સમારોહમાં પશ્ચિમ એશિયાઈ દેશ સાયપ્રસના ખેલાડીઓની ટીમ પણ પહોંચી હતી. ચાર વર્ષમાં એક વખત યોજાતા આ રમતોના મહાકુંભની રંગારંગ શરૂઆત નિમિત્તે ખેલાડીઓમાં ભારે ઉત્સાહ જોવા મળ્યો હતો.
ઉદ્ઘાટન સમારોહ 28 ઓગસ્ટના રોજ સ્થાનિક સમય અનુસાર લગભગ 8 વાગ્યે શરૂ થયો હતો. બે કલાકથી વધુ સમય સુધી ચાલેલી 167 ભાગ લેનાર દેશોની પરેડ બાદ પેરાલિમ્પિક ઓર્ગેનાઈઝિંગ કમિટીના પ્રમુખ ટોની ઈસ્ટાનગુએટે તમામ દેશોને અભિનંદન પાઠવ્યા હતા અને કહ્યું હતું કે પડકારો હોવા છતાં પેરાલિમ્પિક ગેમ્સની શરૂઆત અને મોટી સંખ્યામાં એથ્લેટ સ્પર્ધામાં ભાગ લઈ રહ્યા છે. તેમણે 4400થી વધુ ખેલાડીઓને સમગ્ર વિશ્વ માટે પ્રેરણારૂપ ગણાવ્યા.આંતરરાષ્ટ્રીય પેરાલિમ્પિક સમિતિના વડા એન્ડ્રુ પાર્સન્સે જણાવ્યું હતું કે પેરિસ પેરાલિમ્પિક્સમાં ભાગ લેનારા 4,400 થી વધુ એથ્લેટ વિશ્વના 1.3 અબજ દિવ્યાંગ લોકોના પ્રતિનિધિ છે.
ટોપ સ્ટોરી
ટ્રેન્ડિંગ સમાચાર
