World Cupમાં છ વખત ટકરાયા છે ભારત અને પાકિસ્તાન, એક પણ વખત નથી જીત્યું PAK

2003ના વર્લ્ડકપમાં સૌરવ ગાંગુલીના નેતૃત્વમાં ટીમ ઇન્ડિયા ફાઇનલ સુધી પહોંચી હતી પરંતુ ઓસ્ટ્રેલિયા સામે હારી ગઇ હતી. આ વર્લ્ડકપમાં ભારતે પાકિસ્તાનને છ વિકેટે હાર આપી હતી. પાકિસ્તાને ટોસ જીતીને પ્રથમ બેટિંગ કરતા સઇદ અનવરના 101 રનની મદદથી 273 રન બનાવ્યા હતા. જેનાજવાબમાં ટીમ ઇન્ડિયાએ 4 વિકેટ ગુમાવી લક્ષ્યાંક હાંસલ કરી લીધો હતો. મેન ઓફ ધ મેચ તેંડુલકરે 98 રનની ઇનિંગ રમી હતી.

1999ના વર્લ્ડકપમાં ભારતનું પ્રદર્શન ભલે નિરાશાજનક રહ્યું હોય પરંતુ પાકિસ્તાન સામે 47 રને વિજય હાંસલ કર્યો હતો. ભારતે ટોસ જીતીને પ્રથમ બેટિંગ કરી હતી અને છ વિકેટ ગુમાવી 227 રન બનાવ્યા હતા. જેના જવાબમાં પાકિસ્તાનની આખી ટીમ 180 રનમાં સમેટાઇ ગઇ હતી. મેન ઓફ ધ મેચ વેંકટેશ પ્રસાદે શાનદાર પ્રદર્શન કરી પાંચ વિકેટ ઝડપી હતી.