વિરાટ સેનાએ રચ્યો ઇતિહાસ, 72 વર્ષ બાદ ઓસ્ટ્રેલિયાની ધરતી પર ટીમ ઇન્ડિયાએ જીતી ટેસ્ટ સીરીઝ

ઉલ્લેખનીય છે કે, ભારતીય ટીમે ઓસ્ટ્રેલિયામાં પહેલી ટેસ્ટ સીરીઝ વર્ષ 1947માં આઝાદી બાદ લાલા અમરનાથની કેપ્ટનશીપમાં રમી હતી, તે પ્રવાસમાં ભારતે કાંગારુ ટીમને 5 મેચોની ટેસ્ટ સીરીઝમાં 4-0થી માત આપી હતી. જેને આજે 72 વર્ષનો સમય થઇ ગયો છે.

સિડની ટેસ્ટમાં 193 રન બનાવવા ચેતેશ્વર પુજારાને મેન ઓફ ધ મેચ જાહેર કરાયો, જ્યારે મેન ઓફ ધ સીરીઝનો એવોર્ડ પણ તેને જ મળ્યો હતો. પુજારાએ ચાર ટેસ્ટ મેચોની સીરીઝમાં કુલ 521 રન ફટકાર્યા હતા.

ભારતે ઓસ્ટ્રેલિયાની ધરતી પર 72 વર્ષમાં પહેલીવાર કોઇ ટેસ્ટ સીરીઝ પર કબ્જો જમાવ્યો છે, આઝાદી બાદ પહેલીવાર કોઇ ભારતીય ટીમ આ દેશમાં ટેસ્ટ સીરીઝ જીતવામાં સફળ રહી છે. વિરાટ કોહલીની કેપ્ટનશીપ વાળી આ ટીમ ઇન્ડિયાએ ઇતિહાસ રચી દીધો છે.

સિડનીઃ ભારત અને ઓસ્ટ્રેલિયા વચ્ચે સિડની ટેસ્ટ વરસાદના કારણે ડ્રૉ થઇ, ટીમ ઇન્ડિયા ચાર મેચોની આ સીરીઝમાં 2-1થી પોતાના નામે કરી લીધી. આની સાથે જ ભારતે ઓસ્ટ્રેલિયાની ધરતી પર ઇતિહાસ રચી દીધો છે, ભારતે 72 વર્ષ બાદ કાંગારુઓને તેમના જ ઘરમાં ઘૂસીને માત આપી છે.