સુરતઃ એક યુવાનનું માથું કપાઈને દસ ફૂટ દૂર પડ્યું, ત્રણ યુવાનો રસ્તા પર લોહીમાં લથપથ પડ્યા હતા ને બાકીના કાર સાથે લોચો થઈ ગયા હતા

આ અકસ્માતને નજરે જોનારા સાક્ષીના જણાવ્યા પ્રમાણે, ફસાયેલાઓને બહાર કેવી રીતે કાઢવા એ જ સૂઝતું નહોતું કેમ કે બધા મૃતકો કાર સાથે જ લોચો વળી ગયા હતા. ત્રણ જેટલા યુવાનો લોહીથી લથપથ રસ્તા પર પડયા હતા અને ગાડીમાં અંદર તો જોઇ શકાય નહી એવી યુવાનોની હાલત હતી.

અકસ્માતમાં મૃત્યુ પામેલા દશ યુવાનો પૈકી 3 યુવાનો કડોદરામાં નુરી મીડીયાની પાછળ આવેલ સોસાયટીમાં રહેતા હતા. યુવાનો પરપ્રાંતીય હોવાથી સોસાયટીમાં ભાડે તેમજ અન્ય મિત્રો સાથે રહેતા હોવાથી ઘટનાને કલાકો વીતી જવા છતાં 2 યુવાનોની ઓળખ રાત્રે પણ થઇ શકી ન હતી.