સુરતઃ દારૂ પીને કોર્પોરેશનની બસ ચલાવતાં ડ્રાઇવરે સર્જ્યો અકસ્માત, બસમાંથી મળ્યો દારૂ

સુરતઃ મનપાની બસ દ્વારા આજે વધુ એક અકસ્માત કરવામાં આવ્યો છે. બસના ડ્રાઇવરે દારૂ પીને બસ ચલાવતા આ અકસ્માત સર્જાયો હતો. ડુમસ ખાતે બસ બાંકડા સાથે અથડાઇ હતી. જોકે, આ ઘટનામાં કોઈ જાનહાનિ થઈ નથી.

અકસ્માત પછી ડુમસ પોલીસે બસમાં તપાસ કરતાં બસમાંથી દેશી દારૂની પોટલીઓ મળી આવી હતી. એટલું જ નહીં, ડ્રાઇવર પણ પીધેલી હાલતમાં મળી આવતાં તેની અટકાયત કરી સિવિલ ખાતે મેડિકલ પરીક્ષણ માટે મોકલી અપાય છે. છેલ્લા 10 દિવસમાં પાંચ અકસ્માત સર્જાતા લોકોમાં ભારે રોષ ભભૂકી રહ્યો છે.