Gmail માં ગૂગલે આપ્યું નવું ફીચર, હવે ફટાફટ શિડ્યૂલ કરી શકશો મીટિંગ્સ, આ રીતે કરશે કામ

ગૂગલે Gmail માં કેલેન્ડર ટૂલ્સ ઉમેરવાનું શરૂ કર્યું છે, જેની મદદથી તમે સરળતાથી મીટિંગને ક્રિએટ, શેર અથવા શિડ્યુલ કરી શકશો

પ્રતિકાત્મક તસવીર

Source : Freepik

Gmail New feature for faster meetings: ગૂગલે Gmail માં કેલેન્ડર ટૂલ્સ ઉમેરવાનું શરૂ કર્યું છે, જેની મદદથી તમે સરળતાથી મીટિંગને ક્રિએટ, શેર અથવા શિડ્યુલ કરી શકશો. આ નવા ફીચરની મદદથી તમે Gmail માં જ નવી મીટિંગ માટે ક્રિએટ કરી શકશો જેનાથી તમારો ઘણો સમય બચશે અને મહેનત પણ ઓછી લાગશે. તમને કેલેન્ડર આઇકોનમાં 2 વિકલ્પો મળશે. એક છે Create an event” અને બીજું “Offer times you’re free” છે.

આ રીતે મીટિંગ સેટ કરો

Offer times you’re free એ એક નવું ફીચર છે. જેની મદદથી યુઝર્સ કોઈપણ મીટિંગ ડિટેઇલ્સને કૅલેન્ડરમાંથી સીધી Gmail પર લાવી શકે છે. આ ફીચરનો ઉપયોગ કરવા માટે યુઝર્સે ઈમેલ કંપોઝ કરતી વખતે અથવા તેનો જવાબ આપતી વખતે કેલેન્ડર આઈકોન પર ક્લિક કરો અને ત્યાંથી, "ઓફર ટાઈમ યુ આર ફ્રી" પસંદ કરો. આમ કરવાથી સાઇડબારમાં કેલેન્ડર ખુલશે અને અહીંથી તમે અલગ-અલગ દિવસો અને સમયના સ્લોટને હાઇલાઇટ કરીને મીટિંગ શેડ્યૂલ કરી શકો છો. જલદી રિસીવરને કોઈપણ એક સમય પસંદ કરશે, તેને આપમેળે એક ઇન્વિટેશન મળી જશે. નવી ફીટર એ યુઝર્સ, ભાગીદારો અથવા લોકોને મીટિંગ ક્રિએટ કરવામાં મદદ કરે છે જેનું Google કેલેન્ડર તમને જોવા મળે છે.

ક્રિએટ ઇવેન્ટ એક જૂનું ફીચર છે જે ગૂગલ કેલેન્ડર ઇવેન્ટને ક્રિએટ કરે છે અને તેમાં ઇવેન્ટનું નામ સબ્જેક્ટ અને પાર્ટિસિપેટ રિસીવરના રૂપમા સેટ થાય છે. આ સાથે ઇમેલ બોડીમાં મીટિંગ સાથે જોડાયેલી જાણકારી પણ હોય છે જેથી લોકોને ઇવેન્ટ અંગે જાણ થઇ શકે.

નોંધનીય છે કે નવું ફીચર હાલમાં વન-ઓન-વન મીટિંગ્સ માટે ઉપલબ્ધ છે.

નોંધ, નવી સુવિધા હાલમાં વન-ઓન-વન મીટિંગ્સ માટે ઉપલબ્ધ છે. જો રીસિવરની યાદીમાં અનેક લોકો સામેલ હોય તો જે વ્યક્તિ પ્રથમ સમય પસંદ કરશે તેને ઇવેન્ટમાં જોડાવવામાં આવશે. આ સુવિધા Google Workspace અને પર્સનલ Google એકાઉન્ટ યુઝર્સ બંને માટે ઉપલબ્ધ છે.

મસ્કે ChatGPTનો શોધી લીધો વિકલ્પ

ટ્વિટરના માલિક એલન મસ્કે તેમની આર્ટિફિશિયલ ઈન્ટેલિજન્સ કંપની xAI લોન્ચ કરી છે. આ અંગે તેમણે કહ્યું કે આની મદદથી આપણે બ્રહ્માંડના વાસ્તવિક સ્વરૂપને સમજવાનો પ્રયત્ન કરીશું. ટેસ્લા અને સ્પેસએક્સના સીઈઓ અને ટ્વિટરના માલિક  મસ્કએ બુધવારે "બ્રહ્માંડના સાચા સ્વભાવને સમજવા"ના ધ્યેય સાથે નવી AI કંપની, XAI લોન્ચ કરવાની જાહેરાત કરી. કંપનીની વેબસાઇટ અનુસાર, મસ્ક અને તેની ટીમ શુક્રવારે લાઇવ ટ્વિટર સ્પેસ ચેટમાં વધુ વિગતો શેર કરશે