લૉન્ચ પહેલા ઓનલાઇન લીક થઇ ગઇ આ ધાંસૂ ફોનની કિંમત, 50MP કેમેરા સાથે બીજુ શું શું મળશે ? જાણો
એવી આશા છે કે કંપની Pixel 8 સ્માર્ટફોનને આ વર્ષના ઓક્ટોબરની શરૂઆતમાં લૉન્ચ કરશે. જો કિંમત વધારે હશે તો ફોન (Google Pixel 8) પણ કેટલાય અપગ્રેડ સાથે આવશે
Google New Launch: સ્માર્ટફોનની દુનિયામાંથી વધુ એક લેટેસ્ટ રિપોર્ટ સામે આવ્યા છે, રિપોર્ટ અનુસાર, ટેક દિગ્ગજ ગૂગલ બહુ જલદી પોતાનો નેક્સ્ટ જનરેશન સ્માર્ટફોન લૉન્ચ કરી શકે છે, અને આ ફોનની કિંમતથી લઇને સ્પેક્સ પણ લીક થઇ ચૂકી છે. ગૂગલના મૉસ્ટ અવેટેડ સ્માર્ટફોન Pixel 8ની કિંમત તેના લૉન્ચ પહેલા જ લીક થઈ ગઈ છે. જો ટિપસ્ટર યોગેશ બ્રારનું માનીએ તો, Google Pixel 8 ની કિંમત 649 ડૉલર એટલે કે ભારતીય ચલણમાં લગભગ 53,422 રૂપિયા હોઈ શકે છે. અગાઉ કંપનીએ 128GB મૉડલ માટે Google Pixel 7ને 599 ડૉલર (આશરે 49,330 રૂપિયા)માં લૉન્ચ કર્યો હતો. દાવો કરવામાં આવી રહ્યો છે કે આ વખતે કંપની નેક્સ્ટ જનરેશનના Pixel ફોનની કિંમતમાં વધારો કરશે.
ઓક્ટોબરની શરૂઆતમાં થઇ શકે છે લૉન્ચ -
સમાચાર અનુસાર, એવી આશા છે કે કંપની Pixel 8 સ્માર્ટફોનને આ વર્ષના ઓક્ટોબરની શરૂઆતમાં લૉન્ચ કરશે. જો કિંમત વધારે હશે તો ફોન (Google Pixel 8) પણ કેટલાય અપગ્રેડ સાથે આવશે. જો આપણે ભારત વિશે વાત કરીએ તો કંપનીએ Pixel 7 59,999 રૂપિયામાં લૉન્ચ કર્યો હતો, હવે જો લીક થયેલા સમાચાર પર વિશ્વાસ કરીએ તો ભારતમાં Pixel 8 ની કિંમત 60-70 હજાર રૂપિયા સુધી હોઈ શકે છે. જોકે આ અંગે ચોક્કસ કંઈ કહી શકાય એમ નથી.
લીક થયેલા સમાચારમાં કહેવામાં આવ્યું છે કે, Google Pixel 8 વધુ સારા કેમેરા અને ડિસ્પ્લે સ્પેક્સ સાથે આવશે. એવી અપેક્ષા રાખવામાં આવે છે કે આ ફોન શાનદાર પ્રદર્શન સાથે એન્ટ્રી મારશે. લીક થયેલા સમાચારમાં Pixel 8 ના સ્પેસિફિકેશન વિશે પણ વાત કરવામાં આવી છે.
મળી શકે છે આ સ્પેશિફિકેશન્સ -
ગૂગલના આ અપકમિંગ હેન્ડસેટમાં 6.17-ઇંચની FHD + OLED ડિસ્પ્લે હોઈ શકે છે, જેનો રિફ્રેશ રેટ 120Hz હોવાની અપેક્ષા છે. સાથે જ તે Google Tensor G3 SoCથી સજ્જ થઈ શકે છે. એવું કહેવાય છે કે આ સ્માર્ટફોન 8 GB રેમ અને 128/256 GB સ્ટોરેજ સાથે આવે છે. ફોનના પાછળના ભાગમાં 50MP (GN2) (OIS) + 12MP UW અને ફ્રન્ટમાં 11MP કેમેરા સેટઅપ હશે. Pixel 8 Android 14 આધારિત હશે. આ ઉપરાંત તેમાં 4,485mah બેટરી હશે, જે 24W વાયર અને 12W વાયરલેસ ચાર્જિંગ ટેક્નોલોજીથી સજ્જ હશે. ભારતના સંદર્ભમાં Pixel ફોનની વાત કરીએ તો, અહીં કંપનીને માર્કેટમાં જગ્યા બનાવવા માટે ઘણો સંઘર્ષ કરવો પડ્યો છે.
ટ્રેન્ડિંગ સમાચાર
ટોપ સ્ટોરી
