Amazon Prime Video પર કન્ટેન્ટને લઇને કેવી રીતે કરી શકશો ફરિયાદ? જાણો સરળ પ્રોસેસ
અમેઝોન પ્રાઇમ વિડિયોએ ભારતીય યુઝર્સ માટે એક નવું ફીચર રજૂ કર્યું છે
How to Report About Content in Amazon Prime Video: અમેઝોન પ્રાઇમ વિડિયોએ ભારતીય યુઝર્સ માટે એક નવું ફીચર રજૂ કર્યું છે. આ ફીચર દ્વારા યુઝર્સ હવે કન્ટેન્ટ સંબંધિત ફરિયાદો રિપોર્ટ કરી શકશે. આ ફીચર MGM+ અને પ્રાઇમ વિડિયો એડ-ઓન સબ્સ્ક્રિપ્શન ધરાવતા સભ્યો માટે ઉપલબ્ધ છે. તેનો હેતુ સામગ્રી-સંબંધિત સમસ્યાઓ જેમ કે વય રેટિંગ, શીર્ષક સારાંશ અને ઍક્સેસ નિયંત્રણો ઉકેલવાનો છે. આ પહેલ યુઝર્સને કન્ટેન્ટ પર વધુ નિયંત્રણ આપવા અને પ્લેટફોર્મ પર વધુ સારું પ્રદર્શન સુનિશ્ચિત કરવા માટે કરવામાં આવી છે.
ડેસ્કટોપ અને મોબાઇલ યુઝર્સ માટે રિપોર્ટિંગ પ્રક્રિયા શું છે?
ડેસ્કટોપ અને મોબાઇલ યુઝર્સ માટે રિપોર્ટિંગ પ્રક્રિયા અલગ છે. ડેસ્કટૉપ યુઝર્સ તેમના પ્રાઇમ વિડિયો એકાઉન્ટમાં લૉગ ઇન કરીને સીધી ફરિયાદ નોંધાવી શકે છે. જ્યારે મોબાઈલ યુઝર્સ ઈમેલ અથવા લિંક દ્વારા તેમની ફરિયાદ મોકલી શકે છે. આ માટે ફરિયાદ અધિકારીની નિમણૂક કરવામાં આવી છે. ફરિયાદ નોંધાવવા માટે યુઝર્સે મેઇલ કરવો પડશે, ત્યારબાદ તેમની ફરિયાદનું નિરાકરણ કરવામાં આવશે.
તમે માત્ર અંગ્રેજીમાં જ ફરિયાદ કરી શકો છો
હાલમાં તેની ફરિયાદો માત્ર અંગ્રેજીમાં જ ઉપલબ્ધ છે અને યુઝર્સ તેમની ફરિયાદો અંગ્રેજીમાં જ નોંધાવવાની સલાહ આપવામાં આવે છે. આ બધા યુઝર્સ માટે છે, તેમના ડિવાઇસ અથવા સબ્સ્ક્રિપ્શન મોડેલને ધ્યાનમાં લીધા વિના ફરિયાદ ધ્યાનમાં લેવામાં આવશે.
તમે કેવી રીતે ફરિયાદ કરી શકો છો તે જાણો
Amazon Prime Video અને MGM+ માટે અંશુમન મેનકરને ફરિયાદ અધિકારી તરીકે નિયુક્ત કરવામાં આવ્યા છે. ફરિયાદ નોંધાવવા માટે યુઝર્સ Grievanceofficer-primevideo@amazon.com અથવા પ્રાઇમ વિડિયો એડ-ઓન્સ માટે, Grievanceprimevideoaddonsubscriptions@amazon.com નો સંપર્ક કરી શકે છે. કંપની 24 કલાકની અંદર ફરિયાદની પુષ્ટી કરશે. આ માટે યુઝર્સે તેમનું નામ, ઈમેલ એડ્રેસ, મૂવી/સિરીઝનું નામ, ફરિયાદની વિગતો જેવી માહિતી આપવી પડશે.
Elon Muskની મોટી ભેટ, X યુઝર્સને મફતમાં મળશે આ ફીચર, ChatGPTને મળશે ટક્કર
ટ્રેન્ડિંગ સમાચાર
ટોપ સ્ટોરી
