Tips: તમારુ ગૂગલ એકાઉન્ટ કેટલી જગ્યાએ ખુલ્લું છે, ફોનથી આ રીતે કરી શકો છે ચેક....

ઘણી વખત કામના કારણે આપણે પબ્લિક કૉમ્પ્યુટર કે ઓફિસના લેપટોપ કે ડેસ્કટોપમાં ગૂગલ એકાઉન્ટ ખોલીએ છીએ અને પછી લૉગઆઉટ કરવાનું ભૂલી જઈએ છીએ

પ્રતિકાત્મક તસવીર

See devices with account access: દરેક એન્ડ્રોઇડ યૂઝરનું સામાન્ય રીતે એક ગૂગલ એકાઉન્ટ હોય છે, જેમાંથી તે કંપનીની જુદીજુદી સર્વિસનો લાભ લે છે. આજે આપણી બેન્ક, ઓફિસ, શાળા, કોલેજ વગેરે જેવી કેટલીય જગ્યાએ ગૂગલ એકાઉન્ટ લિન્ક થયેલ છે. લિન્કને કારણે અમને સમયસર કામની અપડેટ મળે છે, એટલા માટે એ મહત્વનું છે કે અમે અમારા Google એકાઉન્ટને સિક્યૉર અને સેફ રાખીએ. કહેવાનું તાત્પર્ય એ છે કે જો તમે સમયાંતરે તેના સેટિંગ્સની સમીક્ષા નહીં કરો, તે કેટલી જગ્યા ખુલ્લી છે અને તે કેટલી એપ્સ સાથે જોડાયેલ છે, તો તમારી પ્રાઇવસી જોખમમાં મુકાઇ શકે છે.

ઘણી વખત કામના કારણે આપણે પબ્લિક કૉમ્પ્યુટર કે ઓફિસના લેપટોપ કે ડેસ્કટોપમાં ગૂગલ એકાઉન્ટ ખોલીએ છીએ અને પછી લૉગઆઉટ કરવાનું ભૂલી જઈએ છીએ. કેટલીક એન્ડ્રોઇડ એપ્સ સાથે પણ આવું જ થાય છે. અમે Google એકાઉન્ટની મદદથી લૉગિન કરીએ છીએ, પરંતુ લૉગઆઉટ કરવાનું અથવા ઍપમાંથી એકાઉન્ટ એક્સેસ દૂર કરવાનું ભૂલી જઈએ છીએ. આવામાં કોઈપણ એકાઉન્ટ સાથે છેડછાડ કરી શકે છે. આજે અમે તમને જણાવીશું કે તમે કેવી રીતે ચેક કરી શકો છો કે તમારા ફોનમાં તમારું Google એકાઉન્ટ કેટલી જગ્યાએ સાઇન-ઇન છે.

આ રીતે કરો ચેક -  
- સૌથી પહેલા Google એકાઉન્ટ ઓપન કરો અથવા તમારા ફોનની Google એપ્લિકેશન પર જઇને 'મેનેજ એકાઉન્ટ' પર ક્લિક કરો.
- ત્યાર બાદ Settings અને Privacy પર જાઓ અને Manage all devices પર ક્લિક કરો.
- અહીં તમને તે બધા ડિવાઇસ દેખાશે, જેમાં તમારું Google એકાઉન્ટ ઓપન છે.
- જો તમે જોવા માંગતા હો કે તમારું Google એકાઉન્ટ કઈ એપ્સમાં ખુલ્લું છે, તો આ માટે સેટિંગ્સ અને પ્રાઇવસીમાં એપ્સ અને સેવાઓ પર નીચે સ્ક્રૉલ કરો અને અહીં થર્ડ પાર્ટી એપ્સ અને સર્વિસને પસંદ કરો. અહીં તમને તે તમામ એપ્સ દેખાશે, જ્યાં તમારું Google એકાઉન્ટ લૉગઇન છે. અહીંથી તમે બિનજરૂરી એપ્સમાંથી એકાઉન્ટ એક્સેસ હટાવી શકો છો.