Meta AI Chatbot થયું રિલીઝ, ChatGPT અને Geminiને મળશે જબરદસ્ત ટક્કર

મેટાએ હાલમાં તેનું AI મૉડલ WhatsApp બીટા યૂઝર્સ માટે રિલીઝ કર્યું છે, અને ભવિષ્યમાં તેને સામાન્ય યૂઝર્સ માટે પણ રિલીઝ કરી શકે છે

(તસવીર- સોશ્યલ મીડિયા પરથી)

AI Technology News: ઓપન એઆઈના ચેટજીપીટી અને ગૂગલના જેમિની સાથે સ્પર્ધા કરવા માટે મેટાએ મોટા ભાષાના મૉડલ્સના ઉદ્યોગમાં એન્ટ્રી કરી છે. મેટા છેલ્લા ઘણા મહિનાઓથી ChatGPT અને Gemini જેવા AI મૉડલ્સ પર કામ કરી રહી છે. હવે મેટાએ તેના કેટલાક પસંદ કરેલા બીટા યૂઝર્સ માટે મેટા ચેટબૉટ રિલીઝ કર્યુ છે. Meta એ તેનું Meta AI સીધું જ WhatsApp માં લૉન્ચ કર્યું છે. આનાથી યૂઝર્સને મેટા એઆઈનો ઉપયોગ કરવો વધુ સરળ બનશે.

મેટાએ હાલમાં તેનું AI મૉડલ WhatsApp બીટા યૂઝર્સ માટે રિલીઝ કર્યું છે, અને ભવિષ્યમાં તેને સામાન્ય યૂઝર્સ માટે પણ રિલીઝ કરી શકે છે, જો કે, જો તમે Meta AI નો ઉપયોગ WhatsApp બીટા યુઝર તરીકે કરવા માંગો છો, તો આવો અમે તમને તેની પદ્ધતિ જણાવીશું.

વૉટ્સએપ પર મેટા એઆઇ ચેટબૉટ કઇ રીતે કરવું યૂઝ 
સ્ટેપ 1: Meta AIનું નવું આઇકન WhatsAppના નીચેના જમણા ખૂણે જોવા મળશે.
સ્ટેપ 2: તમારે મેટા એઆઈ ચેટબૉટના નિયમો અને શરતો સ્વીકારવી આવશ્યક છે.
સ્ટેપ 3: આ પછી તમારા ઇનબોક્સમાં Meta AI સાથે નવી ચેટ દેખાશે. ત્યાં તમે તમારા પ્રશ્નો લખી શકો છો, જેના જવાબો Meta AI WhatsAppમાં જ મોકલશે.

મેટા એઆઈ ચેટબૉટના કાર્યો ચેટજીપીએટી, જેમિની, ક્લાઉડ અને અન્ય એઆઈ આસિસ્ટન્ટ સર્વિસ જેવા જ છે. Meta AI કંપની દ્વારા વિકસિત LLaMA મૉડલ પર પણ કામ કરે છે.

મેટા એઆઇના ફિચર્સ 
મેટા એઆઈ ચેટબૉટ કૃત્રિમ ટેક્નોલોજીનો ઉપયોગ કરીને ઘણા કાર્યો પૂર્ણ કરી શકે છે. તેના દ્વારા યૂઝર્સ ChatGPT અને Gemini જેવા વૉટ્સએપમાં જ કોઈપણ પ્રશ્નનો જવાબ પૂછી શકે છે.

વપરાશકર્તાઓ Meta AI નો ઉપયોગ કરીને ઇમેજ પણ જનરેટ કરી શકે છે. 
તે કૉડ પણ લખી શકે છે અને પ્રોગ્રામ ડીબગ કરવામાં તમારી મદદ કરી શકે છે.
આ ચેટબૉટ વિવિધ ભાષાઓમાં ટેક્સ્ટનો અનુવાદ પણ કરી શકે છે.

ઇન્સ્ટાગ્રામ અને ફેસબુકમાં પણ આવશે એઆઇ ? 
હાલમાં, WhatsApp બીટા યૂઝર્સ મેટા AI માં ટેક્સ્ટ ફોર્મેટ દ્વારા તેમના પ્રશ્નો પૂછી શકે છે. મેટા એઆઈ હાલમાં ઈમેજીસ અને ઓડિયો દ્વારા ઈનપુટ સ્વીકારી રહ્યું નથી, પરંતુ ભવિષ્યમાં યૂઝર્સ તેમના પ્રશ્નો લખીને તેમજ બોલીને અને ઈમેજીસ દ્વારા પૂછી શકશે.

આવનારા સમયમાં એવું બની શકે છે કે મેટા તેના AI ચેટબૉટને WhatsApp તેમજ Instagram અને Facebook પર ઉપલબ્ધ કરાવશે. જો આવું થાય, તો સામાન્ય યૂઝર્સ માટે રોજિંદા જીવનમાં AI નો ઉપયોગ કરવો વધુ સરળ બની જશે.