UPI Payment: હવે તમારો ચહેરો જોઇને થશે UPIથી પેમેન્ટ, વધી જશે સુરક્ષા, ફ્રોડ પર લાગશે લગામ

UPI Payment: UPI મારફતે ડિજિટલ પેમેન્ટમાં વધારા સાથે છેતરપિંડીના કિસ્સાઓ વધી રહ્યા છે

પ્રતિકાત્મક તસવીર

Source : ABP Live

UPI Payment: UPI દ્વારા ડિજિટલ પેમેન્ટમાં વધારા સાથે છેતરપિંડીના કિસ્સાઓ વધી રહ્યા છે. વધતા જતા મામલાઓને જોતા રેગ્યુલેટરે છેતરપિંડી રોકવા માટે નવી તૈયારીઓ કરી છે. આ માટે UPI ટ્રાન્જેક્શનને PIN ને બદલે બાયોમેટ્રિક્સથી ઓથેન્ટિકેટ કરવાની વ્યવસ્થા પર કામ ચાલી રહ્યું છે.

બદલાઇ જશે યુપીઆઇ પેમેન્ટની રીત

મિન્ટના એક અહેવાલ મુજબ, રિટેલ પેમેન્ટ સિસ્ટમના ઓપરેટર નેશનલ પેમેન્ટ કોર્પોરેશન ઓફ ઈન્ડિયા એટલે કે એનપીસીઆઇએ યુપીઆઇ મારફતે થનારા પેમેન્ટને સુરક્ષિત બનાવવા માટે મોટા ફેરફારની તૈયારી કરી રહી છે. યુપીઆઇથી થનારા પેમેન્ટ્સને ઓથેન્ટિકેટ કરવા માટે હવે બાયોમેટ્રિક્સનો ઉપયોગ કરવામાં આવશે. ફિંગરપ્રિન્ટ અથવા ફેસ ઓથેન્ટિકેટ એટલે કે ચહેરો જોઇને ઓથેન્ટિકેટ વગેરે જેવા બાયોમેટ્રિક વિકલ્પો વિચારણા હેઠળ છે.

NPCIની ઘણી કંપનીઓ સાથે વાતચીત ચાલી રહી છે

રિપોર્ટ અનુસાર, UPIમાં બાયોમેટ્રિક સુવિધા શરૂ કરવા માટે NPCI અનેક સ્ટાર્ટઅપ કંપનીઓ સાથે વાત કરી રહી છે. હવે મોટાભાગના ફોનમાં ફિંગરપ્રિન્ટ સ્કેનર અને ફેસ રિકૉગ્નિશન જેવા ફીચર્સ સાથે આવી રહ્યા છે. NPCIની યોજના છે કે સ્માર્ટફોનમાં હાજર આ ફીચર્સનો ઉપયોગ કરીને યુપીઆઇથી ટ્રાન્જેક્શન અને પેમેન્ટને સુરક્ષિત બનાવી શકાશે.

આ સ્માર્ટફોન ફીચર્સનો લાભ લેવામાં આવશે

દાખલા તરીકે Android ફોનમાં આવતા ફિંગર પ્રિન્ટ સેન્સરનો ઉપયોગ કરીને પેમેન્ટ કરી શકાશે. મોટાભાગના એન્ડ્રોઇડ સ્માર્ટફોન ફિંગર પ્રિન્ટ સ્કેનર સાથે આવે છે. ઘણા એન્ડ્રોઇડ ફોન ફેસ રેકૉગ્નિશનની ફીચરથી લેસ છે. iPhone યુઝર્સ ફેસ આઈડી દ્વારા UPI પેમેન્ટ કરી શકશે.

હાલમાં યુઝર્સને UPI પિનની જરૂર પડે છે.

હાલમાં UPI દ્વારા પેમેન્ટ કરવા માટે PIN જરૂરી છે. યુઝર્સ 4 અથવા 6 અંકનો પિન બનાવે છે, જેની મદદથી ટ્રાન્જેક્શનને ઓથેન્ટિકેટ કરી શકાય છે.  Google Pay, Phone Pay અને Paytm સહિતની તમામ UPI પેમેન્ટ એપ દ્વારા ટ્રાન્જેક્શન કરવા માટે ઓથેન્ટિકેટ માટે 4 અથવા 6 અંકનો પિન જરૂરી છે. ફેરફાર પછી પિનની જગ્યાએ ફિંગરપ્રિન્ટ અથવા ફેસ રિકૉગ્નિશનનો ઉપયોગ કરી શકાશે. આ UPI પેમેન્ટને સરળ અને હવે કરતાં વધુ સુરક્ષિત બનાવશે.               

આ પણ વાંચો