હવામાં પરફોર્મ કરતા યુવકના હાથમાંથી છૂટેલી યુવતી પડી આગમાં, જાણો પછી શું થયું? જુઓ વીડિયો

ન્યૂયોર્કઃ અમેરિકા'ઝ ગોટ ટેલેન્ટમાં પરફોર્મ દરમિયાન એવી દુર્ઘટના ઘટી હતી જેને જોઇને ત્યાં હાજર તમામ લોકોના મોંમાંથી ચીસ નીકળી ગઇ હતી. ટ્રૈપીઝ (કસરત માટે વપરાતો એક જાતનો હીંચકો)કરતા સમયે એક વ્યક્તિના હાથમાંથી યુવતી છૂટી જતા નીચે આગમાં જઇને પડી હતી. યુવતીને પડતા જોઇ ત્યાં હાજર ઓડિયન્સની  આંખો બંધ થઇ ગઇ હતી. કાર્યક્રમના જજ પણ હેરાન રહી ગયા હતા. હાલમાં આ ઘટનાનો વીડિયો ખૂબ વાયરલ થઇ રહ્યો છે. 

ટાઇસ નીલસન અને મૈરી વોલ્ફ નીલસન પતિ પત્ની છે. બંન્ને સાથે એક્રોબેટિક કરે છે. અમેરિકા'ઝ ગોટ ટેલેન્ટમાં બંન્ને ટ્રૈપીઝ કરી  રહ્યા હોય છે ત્યારે અચાનક આ ઘટના બને છે. પતિ-પત્ની બંન્ને હવામાં કરતબ બતાવી રહ્યા હોય છે. તેમની નીચે આગ લગાવવામાં આવી હોય છે અને  લોકો તેમના પરફોર્મને ખૂબ એન્જોય કરતા હોય છે કે અચાનક તમામના મોંમાંથી ચીસો નીકળી જાય છે. વાસ્તવમાં કરતબ કરતા સમયે મૈરી વોલ્ફનો હાથ તેના પતિથી છૂટી જાય છે અને તે જમીન પર પટકાય છે. આ સમયે તેના પતિ ટાઇસ નિલસનની આંખો પર પટ્ટી બાંધેલી હોય છે. જોકે, નીચે પડ્યા છતાં મૈરી વોલ્ફને કોઇ ઇજા પહોંચતી નથી અને તે હસતા  હસતા ઉભી થાય છે. ટાઇસ નિલસન નીચે ઉતરી પટ્ટી ખોલી પત્નીને ઠીક જોઇ ખુશ થાય છે અને તેને કિસ કરી લે છે. બાદમાં બંન્ને જજ તરફ જોઇ હસવા લાગે છે.