Vitamin D Deficiency: શિયાળામાં આ છ સંકેત બતાવે છે તમારા શરીરમાં છે વિટામીન Dની ઉણપ

Vitamin D Deficiency: વિટામિન ડી શરીર માટે આવશ્યક વિટામિન છે કારણ કે તે શરીરના ઘણા કાર્યોમાં મદદ કરે છે

પ્રતિકાત્મક તસવીર

Source : Freepik

Vitamin D Deficiency: વિટામિન ડી શરીર માટે આવશ્યક વિટામિન છે કારણ કે તે શરીરના ઘણા કાર્યોમાં મદદ કરે છે. જો કે, વિટામિનની ઉણપ સામાન્ય છે. મોટાભાગે લોકો ઉંમરની સાથે જ આ સમસ્યાનો સામનો કરવા લાગે છે. લગભગ 76 ટકા ભારતીયો વિટામિન ડીની ઉણપથી પીડાય છે કારણ કે તેમને ખોરાક અથવા સૂર્યપ્રકાશમાંથી વિટામિનની જરૂરી માત્રા મળતી નથી. શરીરમાં કેલ્શિયમની ઉણપને પૂરી કરવાની સાથે-સાથે વિટામિન ડી હાડકાંને મજબૂત કરવા અને સારી રોગપ્રતિકારક શક્તિ માટે ખૂબ જ જરૂરી છે.

જ્યારે તમારા શરીરમાં વિટામિન ડીની ઉણપ હોય છે ત્યારે તે રિકેટ્સ, ઑસ્ટિયોપોરોસિસ અને અન્ય જેવી ઘણી સ્વાસ્થ્ય સમસ્યાઓનું કારણ બની શકે છે. તેથી, એ મહત્વનું છે કે તમે તમારા વિટામિન ડીના સ્તરને તપાસતા રહો અને ઉણપ શોધવાનો શ્રેષ્ઠ માર્ગ એ છે કે શરૂઆતના લક્ષણોને ઓળખવો. અહીં વિટામિન ડીની ઉણપના કેટલાક લક્ષણો છે.

થાક

જો તમને વિટામિન ડીની ઉણપ છે તો સારી ઊંઘ લીધા પછી પણ તમે થાકેલા અને નબળાઈ અનુભવો છો. વિટામિન ડી તમારા સૂવાના અને જાગવાના ચક્રને પણ અસર કરે છે. જેના કારણે તમે થાક અનુભવો છો.

મૂડ સ્વિંગ

જ્યારે તમે વિટામિન ડીની ઉણપથી પીડાતા હોવ ત્યારે ડિપ્રેશન, ચિંતા અને ચીડિયાપણુંનું જોખમ વધી જાય છે. વિટામિન ડી સેરોટોનિન ઉત્પાદન સાથે સંકળાયેલ છે. જેની ઉણપ દરમિયાન ડિપ્રેશન અને અન્ય મૂડ ડિસઓર્ડર થઈ શકે છે.

હાડકામાં દુખાવો

વિટામિન ડી તમારા શરીરમાં કેલ્શિયમના શોષણમાં મદદ કરે છે. જ્યારે તમારા શરીરમાં વિટામિન ડીની ઉણપ હોય છે, ત્યારે તે કેલ્શિયમના શોષણને અસર કરે છે. જે તમારા હાડકાંના સ્વાસ્થ્યને અસર કરે છે અને હાડકાંમાં દુખાવો કરે છે.

વાળ ખરવા

જ્યારે તમારા શરીરમાં વિટામિન ડીની ઉણપ હોય છે, ત્યારે તે વાળ ખરવાનું કારણ બને છે. તેની ઉણપ વાળના ફોલિકલ્સના સ્વાસ્થ્યને અસર કરે છે. જેના કારણે વાળ ખરવા લાગે છે અને વાળ પાતળા થઈ જાય છે.

ઘા યોગ્ય રીતે મટતા નથી

વિટામિન ડીની ઉણપની એક નિશાની ઘા જલદી રૂઝતા નથી એ છે. વિટામિન ડી ચેપ સામે લડવામાં મદદ કરી શકે છે અને જ્યારે તમારા શરીરમાં વિટામિનની ઉણપ હોય છે, ત્યારે તે તમારા ઘાને રૂઝાવવાની પ્રક્રિયાને ધીમું કરી શકે છે.

સ્નાયુ ખેંચાણ

વિટામિન ડીની ઉણપ સ્નાયુઓના કાર્યને અસર કરી શકે છે. આવું એટલા માટે થાય છે કારણ કે શરીરમાં કેલ્શિયમ યોગ્ય રીતે શોષાતું નથી, જેના કારણે સ્નાયુઓમાં નબળાઈ અને ખેંચાણ આવે છે.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનાને અમલમાં મૂકતા પહેલા તમારે સંબંધિત નિષ્ણાતની સલાહ લેવી જોઈએ.