દિલ્લીમાં યુવતીએ રસ્તા પર નગ્ન થઈ કર્યો નોટબંધીનો વિરોધઃ ટ્રાફિક થઈ ગયો જામ, પોલીસ સમજાવતી રહી, લોકો વિડીયો ઉતારતા રહ્યા

નવી દિલ્લીઃ નોટબંધી બાદ હાલમાં સમગ્ર દેશના લોકો પરેશાન છે. લોકોને બેન્કો કે એટીએમમાંથી પણ નાણા મળી રહ્યા નથી તેવામાં નવી દિલ્લીમાં નોટબંધીના વિરોધમાં લોકોનો ગુસ્સો સામે આવ્યો છે. નવી દિલ્લીના મયૂર વિહાર વિસ્તારમાં એક યુવતીએ નગ્ન થઇને નોટબંધીનો વિરોધ નોંધાવ્યો હતો. 

વાસ્તવમાં આ યુવતી કલાકોથી એટીએમની લાઇનમાં રૂપિયા લેવા ઉભી હતી પરંતુ નાણા ન મળતા તેણી ગુસ્સામાં આવી ગઇ અને નગ્ન થઇને વિરોધ નોંધાવ્યો હતો. આ સમયે ત્યાં અનેક લોકો ઉભા હતા પરંતુ કોઇએ તેને ઢાંકવાનો પ્રયાસ કર્યો નહોતો. 

બાદમાં કોઇએ પોલીસને જાણ કરતા પોલીસ આવી તેને લઇ ગઇ હતી. જોકે, લોકોના કહેવા પ્રમાણે તે યુવતી નહોતી પણ ટ્રાન્સજેન્ડર હતી. જોકે, પોલીસે તેને રૂપિયા મેળવવામાં મદદ કરી ત્યાંથી રવાના કરી હતી.