જંગલમાં ‘સ્મોકિંગ’ કરતો જોવા મળ્યો હાથી, Video થયો વાયરલ

સોશિયલ મીડિયા પર એક વીડિયો ખૂબ વાઈરલ થઇ રહ્યો છે. જેમાં જંગલમાં હાથી ‘ધુમ્રપાન’ કરતો જોવા મળે છે. વીડિયો બનાવનાર સંગઠનનું કહેવું છે કે શક્ય છે કે આ હાથી ચારકોલ એટલે કે લાકડાનો કોલસો ખાઈ રહ્યો હોય અને તેની રાખને ઉડાવી રહ્યો હોય. જે તેની સૂંઢમાં ફેલાયેલી હોય. વન્યજીવ સંરક્ષણ સોસાયટી (ડબલ્યુસીએસ)એ જણાવ્યું કે સંગઠનના ઇન્ડિયા પ્રોગ્રામના સહાયક નિર્દેશક વિનય કુમારે આ વીડિયો બનાવ્યો છે. જેનાથી જંગલી હાથીઓના વ્યવહારનું એક નવું પાસુ સામે આવ્યું છે.