Hu to Bolish | હું તો બોલીશ | બેફામ માફિયાઓના બાપ કોણ?

આગળ દોડી રહ્યું છે ડમ્પર... પાછળ ખાણ-ખનીજ વિભાગના અધિકારીઓ કરી રહ્યા છે પીછો...ડમ્પરની નજીક પહોંચતા જ ડમ્પરચાલકે રસ્તા પર જ રેતી ઠાલવવાનું શરૂ કર્યું... જેથી ખાણ-ખનીજ વિભાગના અધિકારીઓ તેને પકડી ન શકે... સોશિયલ મીડિયામાં વાયરલ થઈ રહેલો આ વીડિયો છે મહેસાણા જિલ્લાનો...ગઈકાલે રાત્રે પાટણથી ખનીજ ચોરી કરીને ડમ્પર આવી રહ્યું હતું...ખાણ-ખનીજ વિભાગના અધિકારીઓને જોતા જ ડમ્પરચાલકે ડમ્પર પૂરપાટ ભગાવ્યું...એક સમયે તો ડમ્પરચાલકે રસ્તા પર જ રેતી ઠાલવી ખાણ-ખનીજ વિભાગના અધિકારીઓને રોકવાની કોશિશ કરી...બાદમાં ખાણ-ખનીજ વિભાગના અધિકારીઓએ ડમ્પરને રોકી... ડ્રાઈવરની પૂછપરછ કરી...ઘટનાની જાણ થતાં જ ડમ્પરનો માલિક... પોતાના માણસો સાથે દોડી આવ્યો અને ખાણ-ખનીજ વિભાગના અધિકારી પર હુમલો કર્યો...હુમલામાં અધિકારી ઘાયલ થતાં તેને સારવાર અર્થે હોસ્પિટલ ખસેડાયો છે...પોલીસે ખનીજ વિભાગના અધિકારી પર હુમલો કરનાર મેહુલ પટેલ નામના શખ્સ સામે ફરિયાદ નોંધી છે...