કોરોનાના કારણે લોકો મરી રહ્યા છે, આટલા મૃતદેહો જોઈને જમવાનું ગળે નથી ઉતરતું ને તમે કેક કાપીને બર્થ ડે ઉજવો છો, શરમ-સંકોચ જેવું કંઈ છે કે નહીં

આણંદ નગરપાલિકાના પૂર્વ પ્રમુખ વિજય પટેલના જન્મદિનની ઉજવણીનો વીડિયો વાયરલ થયો છે. વીડિયોમાં નેતા નિયમોનો ભંગ કરી જન્મદિન ની ઉજવણી કરી રહ્યા છે. એબીપી અસ્મિતાએ આ વીડિયો પ્રસારિત કર્યો હતો. જો કે, તેમણે આ વીડિયો જૂનો હોવાનું જણાવ્યું હતું .વિજય પટેલ જન્મદિનની ઉજવણી નહીં કરી હોવાની એબીપી અસ્મિતા સાથે વાત કરી હતી, જો કે, આ વિડિઓની હકીકત અંગે તપાસ કરી તો વિજય પટેલે તેમના જન્મદિનની ઉજવણી મોડી રાત્રે તેમના ઘર બહાર જ કરી હોવાનું સામે આવ્યું. ઉજવણીમાં કરવામાં આવેલ આતશબાજી ના પૂરાવા પણ ઉજવણી સ્થળે જોવા મળ્યા હતા. સાથે વીડિયોમાં માસ્ક પણ જોવા મળ્યું હતું.