ગાંધીનગરના મહાત્મા મંદિરમાં DRDOના સહયોગથી કોવિડ હોસ્પિટલ તૈયાર, જાણો કેટલા છે ICU બેડ?

ગાંધીનગરમાં મહાત્મા મંદિરમાં DRDO અને ગુજરાત સરકારની સંયુક્ત કામગીરી સાથે 15 દિવસમાં 900 બેડની કોવીડ હોસ્પિટલ તૈયાર કરાઈ  છે. 900 બેડની તૈયાર થયેલ કોવિડ હોસ્પિટલમાં 675 ઓક્સિજન બેડ અને 225 ICU બેડની સુવિધા ઊભી કરાઈ છે. મહાત્મા મંદિર ખાતે તૈયાર કરાયેલ હોસ્પિટલમાં મોનીટરીંગ માટે 400 જેટલાં CCTV કેમેરા મુકવામાં આવ્યા છે. સાથે જ હોસ્પિટલ સારવાર માટે જરૂરી 56 કિલો લિટરની ક્ષમતા ધરાવતો ઑક્ષિજન પ્લાન્ટ પણ તૈયાર કરાયો છે.