પોરબંદરનું બગવદરનું સામૂહિક આરોગ્ય કેન્દ્ર તબીબો વિહોણું, 20 ગામના લોકોને નથી મળતી આરોગ્યસેવા

પોરબંદરના બગવદર આરોગ્ય વિભાગના સબ સેન્ટરમાં  કાયમી તબીબ નથી જેને કારણે દર્દીઓને સારવાર ન મળતી હોવાની ફરિયાદો ઉઠી છે. બરડાપંથકના મુખ્ય મથક ગણાતા બગવદરમાં સરકારે સબ સેન્ટર શરૂ કરી દીધું છે પરંતુ આ હોસ્પિટલમાં છેલ્લા પાંચ વર્ષથી તબીબ નથી. જેને કારણે દર્દીઓને સારવાર મેળવવામાં મુશ્કેલીઓ પડી રહી છે. આસપાસના 20 ગામોના લોકો અહી સારવાર લેવા માટે આવે છે.પરંતુ તબીબોના અભાવે દર્દીઓને સારવાર મળતી નથી. લોકોને આરોગ્ય સેવા માટે પોરબંદર સુધી ધકકા ખાવા પડે છે આ ઉપરાંત ગ્રામજનોએ ૧૦૮ એમ્બ્યુલન્સની પણ માંગ કરી હતી. આ બાબતે જીલ્લા વિકાસ અધિકારીએ જણાવ્યું હતું કે સબ સેન્ટરમા એક તબીબ અને એફએસડબલ્યુ તેમજ એમપીડબલ્યુ ની નિમણુક કરવામા આવી છે. હાલ એમપીડબલ્યુની બદલી થઈ ગઈ છે. આ સબ સેન્ટર માં દર્દીઓને સારવાર મળી રહે તે પ્રકારની વ્યવસ્થા છે એમ્બ્યુલન્સની જે માગણી છે તે નિયમ મુજબ મળી શકે તેમ નથી.