Weather Forecast: ગુજરાતમાં વીજળીના કડાકા અને કરા સાથે ભારે વરસાદની આગાહી

ભરઉનાળે કમોસમી વરસાદની આગાહીએ વધારી ખેડૂતોની ચિંતા. પ્રિ-મોનસૂન વરસાદની આગાહીને લીધે રાજ્યના કેટલાક જિલ્લામાં કરા અને ગાજવીજ સાથે વરસાદની હવામાન વિભાગે વ્યક્ત કરી આગાહી. હવામાન વિભાગ મુજબ આવતીકાલે એટલે કે રવિવારે કચ્છ, અમરેલી, ભાવનગર, બનાસકાંઠા, સાબરકાંઠા, પાટણ, મહેસાણા, અરવલ્લી, મહીસાગર, પંચમહાલ, દાહોદ, વડોદરા, છોટા ઉદેપુર, નવસારી, વલસાડ અને સંઘ પ્રદેશ દમણ અને દાદરાનગર હવેલીમાં કમોસમી વરસાદ વરસી શકે છે.. તો પાંચ અને છ મેના રોજ કરા સાથે રાજ્યના તમામ જિલ્લામાં હળવા વરસાદની હવામાન વિભાગે આગાહી વ્યક્ત કરી છે.. સોમવારે મોટાભાગના જિલ્લામાં 40 કિલોમીટર પ્રતિ કલાકની ઝડપે ફુંકાઈ શકે છે પવન.. સોમવારે પાટણ, મહેસાણા, પંચમહાલ, દાહોદ, અમદાવાદ, આણંદ, ખેડા, ગાંધીનગર, વડોદરા, નર્મદા, ભરૂચ, સુરત, તાપી, વલસાડ, નવસારી, દમણ, દાદરાનગર હવેલી, સુરેન્દ્રનગર, જામનગર પોરબંદર, ગીર સોમનાથ, દેવભૂમિ દ્વારકા, બોટાદ અને દીવમાં સામાન્યથી મધ્યમ વરસાદ વરશી શકે છે.. આ સિવાય છથી આઠ મે સુધી રાજ્યના તમામ જિલ્લામાં હળવાથી મધ્યમ વરસાદની હવામાન વિભાગે આગાહી વ્યક્ત કરી છે. પવન સાથે કમોસમી વરસાદની હવામાન વિભાગે વ્યક્ત કરેલી આગાહીથી કેરી અને  ઉનાળુ પાક પકવતા ખેડૂતોમાં ચિંતા વ્યાપી ગઈ છે.