New Delhi Darbhanga Express: નવી દિલ્હી-દરભંગા એક્સપ્રેસ ટ્રેનમાં લાગી ભીષણ આગ

નવી દિલ્હીથી દરભંગા જતી એક્સપ્રેસ ટ્રેનમાં બુધવારે સાંજે ઇટાવા નજીક ભીષણ આગ લાગી હતી. ટ્રેનની સ્લીપર બોગીમાં આગ લાગી હતી. જે બોગીમાં આગ લાગી તેમાં મુસાફરોની ક્ષમતા બમણી હતી. આગ લાગતાની સાથે જ મુસાફરોએ કૂદીને પોતાનો જીવ બચાવ્યો હતો. હાલમાં કોઈ જાનહાનિના સમાચાર નથી. કૂદીને બબાર નિકળવાને કારણે 6 મુસાફરો ઘાયલ થયા છે. આગના કારણે આખી બોગી બળીને ખાખ થઈ ગઈ છે. બોગીમાં કેટલાક મુસાફરોનો સામાન પણ બળી ગયો હોવાનું કહેવાય છે. ઇટાવાના સરાય ભૂપત રેલ્વે સ્ટેશન પાસે આ અકસ્માત થયો છે. કાનપુર-દિલ્હી રેલ માર્ગ પર OHE બંધ કરી દેવામાં આવ્યું છે. આ રૂટ પર ટ્રેનોનું સંચાલન હાલ ઠપ્પ છે. 16 ટ્રેનોને વિવિધ સ્થળોએ રોકવામાં આવી છે. આગ લાગવાના કારણની તપાસના આદેશ આપવામાં આવ્યા છે.