Weather Updates: ચાલુ વર્ષે દેશમાં સરેરાશ 106 ટકા વરસાદ પડવાની આગાહી, જુઓ વીડિયોમાં
Weather Updates: ચાલુ વર્ષે દેશમાં સરેરાશ 106 ટકા વરસાદ પડવાની આગાહી, જુઓ વીડિયોમાં
હવામાન વિભાગ દ્વારા જારી કરાયેલી લેટેસ્ટ આગાહી મુજબ આ વર્ષે સામાન્ય કરતાં વધુ વરસાદ પડશે. હવામાન વિભાગે મંગળવારે જણાવ્યું હતું કે ભારતમાં સરેરાશ કરતાં 106 ટકા વધુ વરસાદ પડવાની ધારણા છે. આ અંદાજ એપ્રિલમાં કરવામાં આવેલા અનુમાન કરતા વધારે છે. ભારતમાં લાંબા ગાળાનો સરેરાશ વરસાદ 868.6 મીમી છે. હવામાન વિભાગે જણાવ્યું હતું કે 2025 માં ચોમાસાની ઋતુ (જૂન થી સપ્ટેમ્બર) દરમિયાન, સમગ્ર દેશમાં સામાન્ય કરતાં વધુ વરસાદ પડવાની શક્યતા છે.
હવામાન વિભાગે જણાવ્યું હતું કે જૂનથી સપ્ટેમ્બર 2025 દરમિયાન, દેશના મોટાભાગના ભાગોમાં ઉત્તરપશ્ચિમ અને પૂર્વ ભારતના કેટલાક વિસ્તારો અને ઉત્તરપૂર્વ ભારતના ઘણા વિસ્તારો સિવાય સામાન્ય કરતાં વધુ વરસાદ પડવાની શક્યતા છે. IMD જૂનના છેલ્લા અઠવાડિયામાં જુલાઈ મહિનાના વરસાદની આગાહી જાહેર કરશે.
દક્ષિણપશ્ચિમ ચોમાસુ એક અઠવાડિયા પહેલા 24 મેના રોજ કેરળમાં પહોંચ્યું હતું. દક્ષિણપશ્ચિમ ચોમાસાની સામાન્ય શરૂઆત 1 જૂન છે. આગામી 2-3 દિવસમાં મહારાષ્ટ્ર, કર્ણાટક, તેલંગાણા, આંધ્રપ્રદેશ, છત્તીસગઢ અને ઓડિશાના કેટલાક ભાગોમાં ચોમાસુ પહોંચી શકે છે
ટોપ સ્ટોરી
ટ્રેન્ડિંગ સમાચાર
