Amreli Rain : અમરેલી જિલ્લામાં ધોધમાર વરસાદ, રસ્તા પર સર્જાયા નદી જેવા દ્રશ્યો, જુઓ અહેવાલ

Amreli Rain : અમરેલી જિલ્લામાં ધોધમાર વરસાદ, રસ્તા પર સર્જાયા નદી જેવા દ્રશ્યો, જુઓ અહેવાલ

અમરેલી: હવામાન વિભાગની વરસાદની આગાહી વચ્ચે અમરેલી જિલ્લામાં વરસાદી માહોલ જામ્યો છે.  થોડા દિવસના વિરામ બાદ અમરેલી જિલ્લામાં મેઘરાજાએ ધમાકેદાર બેટિંગ કરી છે. અમરેલી જિલ્લાના ખાંભા, જાફરાબાદ, રાજુલા સહિતના પંથકમાં ધોધમાર વરસાદ વરસ્યો છે.  આજે બપોર બાદ ખાંભા ગીરના ગ્રામ્ય પંથકમાં વીજળીના કડાકા ભડાકા સાથે ધોધમાર વરસાદ વરસ્યો છે. 

ખાંભાના ગ્રામ્ય વિસ્તારોમાં ધોધમાર

ખાંભાના ત્રાકુડા, ડેડાણ, માલકનેશ, નીગાળા સહિતના ગ્રામ્ય વિસ્તારોમાં ધોધમાર વરસાદ વરસ્યો છે.  ધોધમાર વરસાદથી ડેડાણ ગામના બજારોમાં નદીઓ વહેતી હોય તેવા દ્રશ્યો સર્જાયા છે.  આ તરફ જાફરાબાદના ગ્રામ્ય પંથકમાં પણ ભારે પવન અને ગાજવીજ સાથે વરસાદ વરસ્યો છે.  

રાજુલા શહેર અને ગ્રામ્ય વિસ્તારોમાં વરસાદ

જાફરાબાદના લોર, ફાચરીયા સહિતના ગ્રામ્ય વિસ્તારોમાં વરસાદ વરસતા રોડ-રસ્તા પાણી પાણી થયા છે.   બે દિવસના વિરામ બાદ રાજુલા શહેર અને ગ્રામ્ય વિસ્તારોમાં મેઘરાજાએ પધરામણી કરી હતી.   રાજુલાના હીંડોરણા, છતડીયા, કડીયાળી, ખેરા સહિતના ગ્રામ્ય પંથકમાં વરસાદ વરસતા ખેડૂતો ખુશખુશાલ જોવા મળ્યા છે.