Rajkot Rains: રાજકોટ ગ્રામ્ય વિસ્તારમાં ભારે વરસાદથી નદી બની જીવંત

હવામાન વિભાગની વરસાદની આગાહી વચ્ચે રાજકોટ જિલ્લાના વાતાવરણમાં પલટો આવ્યો છે. રાજકોટ શહેર બાદ ગ્રામ્ય વિસ્તારોમાં પણ વરસાદ વરસ્યો છે. રાજકોટના લોધિકામાં ગાજવીજ સાથે ધોધમાર વરસાદ વરસ્યો છે.  રાજકોટ જિલ્લાના લોધિકા ખાતે વરસાદના કારણે ગામમાં નદીઓ વહેતી થઈ હોય તેવા દ્રશ્યો સામે આવ્યા છે.  વરસાદ વરસતા લોકોને અસહ્ય ગરમીથી રાહત મળી છે. 

લોધિકા પંથકમાં અનેક ગામડાઓમાં વરસાદ વરસ્યો હતો. ગુજરાતમાં છેલ્લા ઘણા સમયથી કમોસમી વરસાદ પડી રહ્યો છે.  હવામાન વિભાગે કમોસમી વરસાદની આગાહી કરી હતી. આજે પણ રાજકોટ જિલ્લાના વાતાવરણમાં પલટો આવ્યો હતો. રાજકોટ જિલ્લાના લોધિકા ગ્રામ્ય વિસ્તારોમાં અસહ્ય ઉકળાટ બાદ ગાજવીજ સાથે  વરસાદ શરુ થયો છે.  ભારે પવન સાથે વરસાદ વરસી રહ્યો છે.