Donald Trump : ઈરાન સાથે શાંતિવાર્તા વચ્ચે ટ્રમ્પે ફરી આપી હુમલાની ધમકી

Donald Trump : ઈરાન સાથે શાંતિવાર્તા વચ્ચે ટ્રમ્પે ફરી આપી હુમલાની ધમકી

અમેરિકા- ઈરાન વચ્ચે વચગાળાની સમજૂતી પર સ્વિત્ઝર્લેન્ડમાં શાંતિ વાર્તા વચ્ચે જ ટ્રમ્પનું મોટુ નિવેદન આવ્યું. ટ્રમ્પે હિઝબુલ્લાનું નામ લીધા વગર જ ફરી ઈરાન પર હુમલાની ધમકી આપી. ટ્રમ્પે પોતાના ટ્રુથ સોશિયલ પર પોસ્ટ કરી કે ઈરાન લેબનોનમાંથી તાત્કાલિક પ્રોક્સી જૂથો રોકે. જો ઈરાને પ્રોક્સી જૂથો બંધ ન કર્યા તો ઈરાન પર ફરી મોટા હુમલાની ટ્રમ્પે ચેતવણી આપી. આટલું જ નહીં ટ્રમ્પે તો એ પણ સ્પષ્ટ કર્યું કે ગત સપ્તાહથી પણ વધુ તાકાતથી હુમલો કરાશે.

અમેરિકી રાષ્ટ્રપતિ ટ્રમ્પની ધમકી બાદ સ્વિત્ઝર્લેન્ડમાં US- ઈરાન વચ્ચેની શાંતિ વાર્તા પર થોડા કલાકો બ્રેક લાગી હતી. બંને દેશો વચ્ચે શાંતિ વાર્તા સમયે જ ટકરાવ થતા આંતરરાષ્ટ્રીય ક્રુડ તેલના ભાવમાં જબરદસ્ત વધારો થયો છે. ક્રુડ ઓઈલના ભાવમાં લગભગ દોઢ ટકાનો વધારો થયો છે. ક્રુડ ઓઈલના ભાવ આંતરરાષ્ટ્રીય લેવલે પ્રતિ બેરલ 81 ડોલરને પાર થયા છે. ક્રુડ ઓઈલની કિંમતોમાં એક ડોલરથી વધુનો ઉછાળો નોંધાયો. અમેરિકામાં પણ ક્રુડ ઓઈલનો ભાવ પ્રતિ બેરલ 77 ડોલર સુધી પહોંચી ગયો છે. અમેરિકામાં જ વાતચીત બગડતા ક્રુડ ઓઈલની કિંમતમાં અઢી ટકા જેટલો વધારો નોંધાયો છે.