સુરતઃ પિતાને ચાવી આપવા જતાં પાંચમાં માળેથી કિશોરી નીચે પટકાઇ, પિતાની નજર સામે જ થયું મોત

સુરતઃ મોટાવરાછામાં 15 વર્ષની તરૂણી તેના પિતાને બારીમાંથી ચાવી આપવા માટે જતા અચાનક બારી તૂટી પડતા પાંચમા માળેથી નીચે પટકાઇ હતી. ગ્રીલ સાથે નીચે પડેલી દીકરીનું પિતાની નજર સામે જ મોત થયું હતું. આ સમગ્ર ઘટના નજીકના સીસીટીવી કેમેરામાં કેદ થઈ ગઈ છે. દીકરીને નીચે પડતી જોઈને પિતાએ તેને ઝીલવાનો પણ પ્રયાસ કર્યો હતો. પરંતુ લાચાર પિતા કંઈ કરી શક્યા ન હતા. આ ઘટનામાં મોટાવરાછા સુદામા ચોક પાસે એપલ હાઈટ્સમાં રહેતા પંકજભાઈ ગજેરાની પુત્રી પરી(ઉ.વ.15)નું મોત થયું છે.