આ દેશમાં સર્જાઈ કાળાં કપડાંની અછત, બ્લેકમાં વેચવા પર 7 વર્ષની જેલ, જાણો શું છે કારણ

બેંગકોકઃ થાઇલેન્ડમાં રાજા ભૂમિબલ અતુલ્યતેજના નિધન પછી સમગ્ર દેશ શોકમાં ગરકાવ થઈ ગયો છે. લોકો કાળાં કપડાં પહેરીને શોક મનાવી રહ્યા છે. શોકને કારણે સમગ્ર દેશમાં રેલવે મુસાફરો, વિદેશી પ્રવાસીઓ, સરકારી કર્મચારીઓ, મોર્નિંગવોક કરતા લોકોની પણ કાળાં કપડાંની માગ વધી રહી છે. જેનાથી કાળાં કપડાંની અછત સર્જાઇ છે.

ફેસબુકે થાઇલેન્ડની જાહેરાતને બ્લેકઆઉટ જાહેર કર્યો છે. એટલે કે જ્યાં સુધી બ્લેકઆઉટ રહેશે ત્યાં સુધી કોઇ જાહેરાત બતાવવામાં આવશે નહીં. કેટલાય લોકોએ પ્રોફાઇલ પેજ બ્લેક કરી દીધા છે. ગૂગલે પણ થાઇલેન્ડમાં હોમપેજને ડાર્ક ગ્રે કલરમાં કર્યુ છે ત્યાં બેંગકોક પોસ્ટ જેવા કેટલાંય ન્યૂઝપેપરે પણ પોતાના હોમપેજને બ્લેક એન્ડ વાઇટ કરી દીધા છે.