પશુપાલકો માટે ખોટનો સોદો સાબિત થઈ રહ્યું છે દૂધ ઉત્પાદન, ઘાસચારો બન્યો મોંઘો

ગુજરાતના ગામડાઓમાં દૂધની ડેરીમાં દૂધનો ભાવ ફેટ પર નક્કી કરવામાં આવે છે. પશુપાલકોનું કહેવું છે કે પશુઓના ચારાના ભાવમાં સતત વધારો થઈ રહ્યો છે જેના કારણે પશુપાલકો પરેશાન થઈ રહ્યા છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે.

Milk Production: ખાનગી ક્ષેત્રની ડેરીઓએ બજારમાં દૂધના ભાવમાં વધારો કર્યો છે, પરંતુ પશુપાલકો પાસેથી મેળવેલા દૂધના ભાવમાં વધારો કર્યો નથી. લીલા ચારામાંથી પશુઆહારના ભાવમાં વધારો થતાં પશુપાલકો પરેશાન છે. સરેરાશ, ડેરીઓમાં ગાયના દૂધની ખરીદી 40 થી 45 રૂપિયા પ્રતિ લિટરની રેન્જમાં છે, પરંતુ તે જ દૂધ ગ્રાહકોને મોંઘા ભાવે મળી રહ્યું છે.  ગુજરાતના ગામડાઓમાં દૂધની ડેરીમાં દૂધનો ભાવ ફેટ પર નક્કી કરવામાં આવે છે.

પશુપાલકોનું કહેવું છે કે પશુઓના ચારાના ભાવમાં સતત વધારો થઈ રહ્યો છે જેના કારણે પશુપાલકો પરેશાન થઈ રહ્યા છે. મોંઘો ઘાસચારો અને પશુ આહાર હોવા છતાં દૂધના વેચાણના અપેક્ષિત ભાવ મળતા નથી. આવી સ્થિતિમાં દૂધનું ઉત્પાદન ખોટનો સોદો સાબિત થઈ રહ્યો છે.

પશુપાલકોના કહેવા મુજબ હાલ ઉનાળાના કારણે ઘાસચારો મોંઘો થયો છે. અધૂરામાં પુરું ખાનગી કંપનીએ દૂધ અને છાસના ભાવમાં લિટરે બે રૂપિયાનો વધારો કર્યો છે. તેની સામે અમને ખાસ વધારો આપવામાં આવ્યો નથી. અમૂલ પાર્લર ચલાવતાં વ્યક્તિના કહેવા મુજબ, કંપનીએ દૂધના ભાવમાં વધારો કર્યો છે પરંતુ અમારા કમીશનમાં વધારો કર્યો નથી.

આ પણ વાંચોઃ