1 જુલાઈથી હીરોના બાઇક અને સ્કૂટર થશે મોંઘા, જાણો કંપની ભાવમાં કેટલો વધારો કરશે
Hero bike price hike: હીરો મોટોકોર્પના શેર સોમવારે 0.68 ટકા અથવા રૂ. 37.15ના વધારા સાથે રૂ. 5,489.05 પર ટ્રેડ થતા જોવા મળ્યા હતા. આ શેરની 52 સપ્તાહની ઊંચી સપાટી 5,894.30 રૂપિયા છે.
Hero bike price hike: દેશની અગ્રણી ટુ-વ્હીલર ઉત્પાદક Hero MotoCorp તેના પસંદગીના મોડલની કિંમતોમાં વધારો કરવા જઈ રહી છે. Hero MotoCorp 1 જુલાઈ, 2024 થી તેના પસંદગીના સ્કૂટર્સ અને મોટરસાઈકલ મોડલ્સની કિંમતોમાં રૂ. 1500 સુધીનો વધારો કરવા જઈ રહી છે. સોમવારે આની જાહેરાત કરતા કંપનીએ કહ્યું કે ઉત્પાદનની ઊંચી કિંમતને કારણે તેણે આ પગલું ભરવું પડ્યું. દેશની સૌથી મોટી ટુ-વ્હીલર ઉત્પાદકે જણાવ્યું હતું કે કિંમતમાં સુધારો રૂ. 1,500 સુધીનો રહેશે અને મોડલ અને બજારના આધારે વધારો બદલાશે.
હીરો મોટોકોર્પ સ્પ્લેન્ડર શ્રેણી, એચએફ ડીલક્સ અને ગ્લેમર સહિત સંખ્યાબંધ બાઇક્સનું વેચાણ કરે છે. તેના પોર્ટફોલિયોમાં Splendor+, Splendor + Xtec, Splendor+ Xtec2.0, HF Deluxe, HF100, Glamour, Passionનો સમાવેશ થાય છે Xpulse 200 4V અને Xpulse 200T 4V જેવી બાઇક્સ છે. તેની સ્કૂટર શ્રેણીમાં ઝૂમ અને ડેસ્ટિની 125 XTEC શામેલ છે.
Hero MotoCorp એ માત્ર દેશમાં જ નહીં પરંતુ વિશ્વની સૌથી મોટી ટુ-વ્હીલર મેન્યુફેક્ચરિંગ કંપનીઓમાંની એક છે. આ કંપનીના ટુ-વ્હીલર વિદેશી બજારોમાં પણ વેચાય છે. આ કંપનીના મોડલ ભારતીય બજારમાં ખૂબ જ પસંદ કરવામાં આવે છે. પરંતુ ગયા વર્ષની સરખામણીમાં મે 2024માં કંપનીના વેચાણમાં 7 ટકાનો ઘટાડો જોવા મળ્યો હતો. મે 2024માં હીરોના 4,79,145 યુનિટ વેચાયા હતા. જ્યારે મે 2023માં કંપનીએ 5,08,309 યુનિટ વેચ્યા હતા.
જ્યારે મે 2024માં હીરો મોટોકોર્પના નિકાસ વેચાણમાં વધારો થયો છે. હીરોએ ગયા વર્ષે મે 2023માં 11,165 યુનિટ્સનું વેચાણ કર્યું હતું. જ્યારે મે 2024માં હીરોએ વિદેશી બજારમાં 18,673 યુનિટ વેચ્યા છે.
નવી કિંમતો 1 જુલાઈથી લાગુ થશે
જો તમે હીરોની બાઇક અથવા સ્કૂટર ખરીદવાનું વિચારી રહ્યા છો, તો તમે તેને 1 જુલાઈ પહેલા ખરીદી શકો છો, કારણ કે નવી કિંમતો 1 જુલાઈથી લાગુ થઈ રહી છે. હીરોના ઘણા મોડલ માર્કેટમાં ખૂબ જ લોકપ્રિય છે. ડેસ્ટિની અને પ્લેઝર પ્લસને હીરોના લોકપ્રિય સ્કૂટરની યાદીમાં સામેલ કરી શકાય છે. Hero Splendor દેશની સૌથી લોકપ્રિય મોટરસાઇકલ પૈકીની એક છે.
સોમવારે હીરો મોટોકોર્પના શેરમાં તેજી સાથે ટ્રેડિંગ જોવા મળ્યું હતું. સોમવારે બપોરે બોમ્બે સ્ટોક એક્સચેન્જમાં કંપનીનો શેર 0.68 ટકા અથવા રૂ. 37.15ના વધારા સાથે રૂ. 5,489.05 પર ટ્રેડ થતો જોવા મળ્યો હતો. આ શેરની 52 સપ્તાહની ઊંચી સપાટી 5,894.30 રૂપિયા છે. જ્યારે 52 સપ્તાહની નીચી કિંમત રૂ. 2,768.55 છે. સોમવારે BSE પર કંપનીનું માર્કેટ કેપ રૂ. 1,09,743.19 કરોડ પર બંધ થયું હતું.
ટ્રેન્ડિંગ સમાચાર
ટોપ સ્ટોરી
