Cheapest Automatic Car: Maruti S-Presso થી Tata Punch સુધી, આ છે ભારતની સૌથી સસ્તી ઓટોમેટિક કાર, જાણો કિંમતો
cheapest automatic cars in India: હવે ગિયર બદલવાની ઝંઝટ ભૂલી જાવ, ઓછી કિંમત, દમદાર માઈલેજ અને શાનદાર ફીચર્સ સાથે ઉપલબ્ધ છે આ 3 બેસ્ટ વિકલ્પો.
cheapest automatic cars in India: શું તમે ટ્રાફિકમાં વારંવાર ક્લચ દબાવીને અને ગિયર બદલીને થાકી ગયા છો? હવે ચિંતા કરવાની જરૂર નથી. ભારતીય બજારમાં હવે ઓટોમેટિક કાર (Automatic Car) લક્ઝરી નહીં પણ જરૂરિયાત બની ગઈ છે. જો તમારું બજેટ ઓછું છે અને તમે શ્રેષ્ઠ માઈલેજવાળી કાર શોધી રહ્યા છો, તો મારુતિ એસ-પ્રેસો (Maruti S-Presso), અલ્ટો K10 અને ટાટા પંચ (Tata Punch) તમારા માટે શ્રેષ્ઠ વિકલ્પો છે. ચાલો આ કારની કિંમત, એન્જિન અને ફીચર્સ વિશે વિગતવાર જાણીએ.
વધતા જતા ટ્રાફિકને કારણે લોકો હવે મેન્યુઅલ ગિયરવાળી કારને બદલે ઓટોમેટિક ટ્રાન્સમિશન (AMT) વાળી કાર તરફ વળ્યા છે. મધ્યમ વર્ગને પરવડે તેવી કિંમતમાં હવે ઘણી શાનદાર કાર ઉપલબ્ધ છે. અહીં દેશની સૌથી સસ્તી અને લોકપ્રિય 3 ઓટોમેટિક કારનું લિસ્ટ આપેલું છે.
1. મારુતિ સુઝુકી એસ-પ્રેસો (Maruti S-Presso) જો તમે સૌથી ઓછી કિંમતમાં ઓટોમેટિક કાર શોધી રહ્યા હોવ, તો મારુતિ એસ-પ્રેસો તમારા માટે નંબર વન ચોઈસ છે.
કિંમત: આ ભારતની સૌથી સસ્તી ઓટોમેટિક કાર છે, જેનું AGS (AMT) વેરિઅન્ટ માત્ર ₹4.75 Lakh થી શરૂ થાય છે.
એન્જિન અને પાવર: તેમાં 998cc નું પેટ્રોલ એન્જિન આપવામાં આવ્યું છે, જે 68 bhp નો પાવર અને 91.1 Nm ટોર્ક જનરેટ કરે છે.
માઈલેજ: આ કાર ARAI મુજબ 25.3 kmpl ની શાનદાર માઈલેજ આપે છે, જે તેને પોકેટ-ફ્રેન્ડલી બનાવે છે.
ફીચર્સ: તેમાં 7-Inch ટચસ્ક્રીન, એન્ડ્રોઇડ ઓટો, એપલ કારપ્લે, કીલેસ એન્ટ્રી અને રિયર પાર્કિંગ સેન્સર જેવા આધુનિક ફીચર્સ મળે છે. સેફ્ટી માટે તેમાં ડ્યુઅલ એરબેગ્સ, ABS અને EBD પણ સામેલ છે.
2. મારુતિ અલ્ટો K10 (Maruti Alto K10) શહેરની સાંકડી ગલીઓમાં ચલાવવા માટે અલ્ટો K10 એક ઉત્તમ વિકલ્પ છે.
કિંમત: ઓટોમેટિક અલ્ટો K10 ની કિંમત ₹5.71 Lakh થી ₹6 Lakh ની વચ્ચે છે.
એન્જિન: આ કોમ્પેક્ટ કારમાં 998cc નું 3-સિલિન્ડર એન્જિન છે, જે 65.7 bhp પાવર આપે છે.
માઈલેજ: ઈંધણ બચતની દ્રષ્ટિએ આ કાર શ્રેષ્ઠ છે, જે 24.9 kmpl સુધીની માઈલેજ આપે છે.
નવા અપડેટ્સ: કંપનીએ હવે સલામતી પર પણ ધ્યાન આપ્યું છે. નવા મોડલમાં 6 Airbags નો સમાવેશ કરવામાં આવ્યો છે. આ ઉપરાંત પાવર સ્ટીયરિંગ, AC અને ટચસ્ક્રીન ઇન્ફોટેનમેન્ટ સિસ્ટમ તો ખરી જ.
3. ટાટા પંચ (Tata Punch) જો તમે થોડું બજેટ વધારી શકો અને મજબૂત બિલ્ડ ક્વોલિટી સાથે SUV જેવો અહેસાસ ઇચ્છતા હોવ, તો ટાટા પંચ બેસ્ટ છે.
કિંમત: આ માઈક્રો SUV નું ઓટોમેટિક વેરિઅન્ટ ₹7.11 Lakh થી શરૂ થાય છે.
પાવરફુલ એન્જિન: પંચમાં 1199cc નું રેવોટ્રોન એન્જિન છે, જે 86 bhp પાવર અને 113 Nm ટોર્ક આપે છે. તેની માઈલેજ 18.8 થી 20.09 kmpl આસપાસ છે.
પ્રીમિયમ ફીચર્સ: આ કાર ફીચર્સથી ભરપૂર છે. તેમાં હરમન સાઉન્ડ સિસ્ટમ, ક્રુઝ કંટ્રોલ, પુશ-બટન સ્ટાર્ટ અને રેઇન-સેન્સિંગ વાઇપર્સ મળે છે. ટોપ મોડલમાં તો Sunroof, વાયરલેસ ચાર્જર અને 360° Camera પણ મળે છે.
સુરક્ષા: સેફ્ટીની બાબતમાં ટાટા પંચ નંબર વન છે, કારણ કે તેને Global NCAP તરફથી 5-Star Rating મળેલું છે.
ટોપ સ્ટોરી
ટ્રેન્ડિંગ સમાચાર
