Kia EV9: ભારતમાં ટૂંક સમયમાં લોન્ચ થશે કિયાની નવી ઈલેક્ટ્રિક લકઝરી SUV EV6, 500 km થી વધારે હશે રેંજ
Kia EV9: કિયાની EV9 મોટી અને બોક્સી લુકમાં આવનારી SUV હશે, જેમાં સેલ્ટોસ જેવી કેટલીક લાઈનો પણ જોવા મળશે.
Upcoming Electric Cars: કિયા મોટર્સે તેની પ્રથમ SUV EV6 સાથે ઇલેક્ટ્રિક કાર સેગમેન્ટમાં શરૂઆત કરી હતી. હવે આ પછી કંપની બીજી ફુલ સાઇઝ SUV EV9 પર પણ કામ કરી રહી છે. કંપની આવતા વર્ષે આ મોટી લક્ઝરી ઇલેક્ટ્રિક એસયુવીનું અનાવરણ કરશે. EV9 ઇલેક્ટ્રિક મોડલ ગ્લોબલ મોડ્યુલર પ્લેટફોર્મ (E-GMP) પર આધારિત હશે, જેના પર કંપનીનું EV6 પણ આધારિત છે. EV9 જે 4WD સિસ્ટમ સાથે આવશે તે સાચા અર્થમાં SUV હશે.
EV9 નો લુક અને રેંજ
તસવીર પરથી ખબર પડે છે કે EV9 મોટી અને બોક્સી લુકમાં આવનારી SUV હશે, જેમાં સેલ્ટોસ જેવી કેટલીક લાઈનો પણ જોવા મળશે. આ નવી કારની ડિઝાઈનનો કોન્સેપ્ટ બતાવવા માટે કંપનીએ અગાઉ એક ટીઝર રિલીઝ કર્યું હતું. જેમાં આ કારમાં બ્લેન્ક્ડ ઑફ ગ્રિલ અને સ્લિમ LED લેમ્પ્સ દેખાઈ રહ્યા હતા. આ કારના વ્હીલ્સ પણ ખાસ ડિઝાઇન કરવામાં આવ્યા છે. આ વાહનમાં 500 કિમી કે તેથી વધુની રેન્જ આપવા માટે ડ્યુઅલ મોટર બેટરી સેટઅપ આપવામાં આવશે. EV9 એ પ્રીમિયમ SUV હશે જે EV6 કરતા ઉપરના વર્ગમાં બનાવવામાં આવશે.
EV 9 નું ઈન્ટીરિયર
સુરક્ષા માટે ડ્રાઇવર અસિસ્ટેંસ ટેકનિક સાથે ઈન્ટીરિયરમાં 27-ઇંચનું મોટું ડિસ્પ્લે મળશે. તેમજ તેની કેબિન મજબૂત અને ટકાઉ સામગ્રીમાંથી બનાવવામાં આવશે.
EV9 કેવી હશે
ભારતમાં તેની સફળતા પછી, Kia EV6ની જેમ જ EV9 આયાત કરશે અને તેને ભારતમાં લાવશે. EV6 ની પ્રથમ બેચનું વેચાણ પૂર્ણ થઈ ગયું છે અને હવે નવી બેચ માટે પણ બુકિંગ થઈ રહ્યું છે. ખાસ કરીને ઇલેક્ટ્રિક કાર ભારતમાં લક્ઝરી સ્પેસમાં ધીમે ધીમે પ્રવેશ કરી રહી છે. EV9 માટે શાનદાર દેખાવ અને વિશાળ શ્રેણી સાથે આવવાનો કંપનીનો દાવો સૂચવે છે કે આ કાર ભારતમાં EV6 પછી કંપનીની આગામી ફ્લેગશિપ કાર હશે.
હાલમાં, Kia એ ભારત માટે નવી ઇલેક્ટ્રિક કારનો કોન્સેપ્ટ બતાવ્યો છે અને સાથે જ કંપનીએ ઘણા ફેરફારો સાથે નવી અપડેટેડ સેલ્ટોસ પણ લોન્ચ કરી છે. નવી સેલ્ટોસ 2023નું અનાવરણ આવતા વર્ષે ઓટો એક્સપોમાં કરવામાં આવશે અને તે પછીથી લોન્ચ કરવામાં આવશે.
આ પણ વાંચોઃ
Creta Facelift: નવા અવતારમાં આવી રહી છે ક્રેટા, મળશે અનેક નવા લેટેસ્ટ ફીચર્સ
ટોપ સ્ટોરી
ટ્રેન્ડિંગ સમાચાર
