Maruti Suzuki Hikes Prices: દેશની સૌથી લોકપ્રિય કાર કંપની મારુતિ સુઝુકીએ વધાર્યા ભાવ, નવી કિંમત આજથી જ લાગુ

Maruti Suzuki Hikes Prices: મારુતિ સુઝુકીએ 18 એપ્રિલ એટલે કે આજથી વાહનોની કિંમતોમાં 1.3 ટકાનો વધારો કરવાનો નિર્ણય લીધો છે. કિંમતમાં વધારો વાહનના મોડલ અને વેરિઅન્ટ પર નિર્ભર રહેશે.

ફાઈલ તસવીર

Maruti Suzuki Hikes Prices: મોંઘા પેટ્રોલ, ડીઝલ અને CNG બાદ હવે કારની સવારી પણ મોંઘી થવા જઈ રહી છે. દેશની સૌથી મોટી ઓટોમોબાઈલ કંપની મારુતિ સુઝુકીએ સ્ટોક એક્સચેન્જોને માહિતી આપી છે કે કંપનીએ આજથી વાહનોની કિંમતોમાં વધારો કર્યો છે.

એક વર્ષમાં પાંચ વખત ભાવ વધ્યા

મારુતિ સુઝુકીએ 18 એપ્રિલ એટલે કે આજથી વાહનોની કિંમતોમાં 1.3 ટકાનો વધારો કરવાનો નિર્ણય લીધો છે. કિંમતમાં વધારો વાહનના મોડલ અને વેરિઅન્ટ પર નિર્ભર રહેશે. ઈનપુટ કોસ્ટમાં વધારાને કારણે કંપનીએ જાન્યુઆરી 2021થી પાંચમી વખત વાહનોની કિંમતોમાં વધારો કર્યો છે. એટલે કે આ સમયમાં મારુતિના વાહનોના ભાવમાં 10 ટકા સુધીનો વધારો થયો છે.

ખર્ચમાં વધારાને કારણે ભાવ વધારવાનો નિર્ણય લેવાયો છે

કંપનીએ 6 એપ્રિલે કિંમત વધારવાની માહિતી આપી હતી. ત્યારે કંપનીએ કહ્યું હતું કે ઈનપુટ કોસ્ટમાં વધારાને કારણે વાહનોની કિંમત પર ઘણી અસર થઈ છે. તેથી ભાવ વધારીને તેનો અમુક હિસ્સો ગ્રાહકો સુધી પહોંચાડવો જરૂરી બન્યો છે. નોંધનીય છે કે મહિન્દ્રા એન્ડ મહિન્દ્રાએ પણ 14 એપ્રિલથી તેના વાહનોની કિંમતો વધારવાની જાહેરાત કરી હતી.

ખર્ચમાં વધારાને કારણે માર્જિનની અસર

કોઈપણ કાર નિર્માતા માટે ઇનપુટ ખર્ચ ખૂબ જ મહત્વપૂર્ણ છે. કોઈપણ ઓરિજિનલ ઈક્વિપમેન્ટ ઉત્પાદક માટે કુલ ખર્ચના 70 થી 75 ટકા જેટલો માલસામાન ખર્ચ છે, પરંતુ મારુતિ સુઝુકી માટે તે વધીને 80.5 ટકા થઈ ગયો છે. તેના કારણે કંપનીના માર્જિન પર પણ અસર પડી છે. આ જ કારણ છે કે મારુતિ સુઝુકીને કિંમત વધારવાનો નિર્ણય લેવો પડ્યો છે.  

આ પણ વાંચોઃ

IPL 2022: ગર્લફ્રેન્ડે પૂછ્યું હું કે આઈપીએલ.... બાદ મુંબઈ અને લખનઉની મેચમાં પોસ્ટર બતાવીને શખ્સે આપ્યો આ જવાબ