'ખત્મ હુઆ ઇન્તજાર...', લૉન્ચ થઇ તમારી ફેવરિટ નવી Hunter 350 બાઇક, અહીં છે ડિટેલ્સ
Royal Enfield Hunter 350: નવી રૉયલ એનફિલ્ડ હન્ટર 350 માં તમને 349cc સિંગલ-સિલિન્ડર, 4-સ્ટ્રોક, એર-ઓઇલ કૂલ્ડ એન્જિન મળશે
Royal Enfield Hunter 350: રૉયલ એનફિલ્ડે આખરે તેની મૉસ્ટ અવેટેડ બાઇક 2025 હન્ટર 350 લૉન્ચ કરી દીધી છે. આ નવા મોડેલમાં ત્રણ નવા રંગ વિકલ્પો રજૂ કરવામાં આવ્યા છે - રિયો વ્હાઇટ, ટોક્યો બ્લેક અને લંડન રેડ. આ ઉપરાંત, રેબેલ બ્લુ, ડેપર ગ્રે અને ફેક્ટરી બ્લેક રંગો પહેલાથી જ ઉપલબ્ધ છે.
જો તમે આ અદભૂત બાઇક ખરીદવાનું વિચારી રહ્યા છો, તો તેનું બુકિંગ આજથી કંપનીની ડીલરશીપ અને સત્તાવાર વેબસાઇટ પર શરૂ થઈ ગયું છે. કિંમતની વાત કરીએ તો, નવી હન્ટર 350 ની શરૂઆતની એક્સ-શોરૂમ કિંમત 1.50 લાખ રૂપિયા રાખવામાં આવી છે.
પાવરફૂલ પાવરટ્રેનથી સજ્જ નવી હન્ટર 350
નવી રૉયલ એનફિલ્ડ હન્ટર 350 માં તમને 349cc સિંગલ-સિલિન્ડર, 4-સ્ટ્રોક, એર-ઓઇલ કૂલ્ડ એન્જિન મળશે. આ એન્જિન 20.2bhp પાવર અને 27Nm પીક ટોર્ક જનરેટ કરવામાં સક્ષમ છે. આ બાઇક 5-સ્પીડ ગિયરબોક્સ સાથે જોડાયેલી છે, જે એક ઉત્તમ સવારીનો અનુભવ આપે છે. આ શક્તિશાળી એન્જિન સાથે, હન્ટર 350 દરેક રસ્તા પર તેની તાકાત અને શૈલી બતાવવા માટે તૈયાર છે.
ફ્યૂલ ટેન્ક અને સસ્પેન્શન ડિટેલ્સ
નવી હન્ટર 350 માં 13-લિટરની ઇંધણ ટાંકી છે, જે લાંબા અંતરની મુસાફરી માટે આદર્શ છે. સસ્પેન્શનની વાત કરીએ તો આગળના ભાગમાં 41 મીમી ટેલિસ્કોપિક ફોર્ક અને પાછળના ભાગમાં 6-સ્ટેપ એડજસ્ટેબલ પ્રીલોડ સાથે ટ્વીન શોક એબ્ઝોર્બર્સ છે. આ મોટરસાઇકલનું ગ્રાઉન્ડ ક્લિયરન્સ ૧૬૦ મીમી, વ્હીલબેઝ ૧,૩૭૦ મીમી અને વજન ૧૮૧ કિલો છે. આ બધી સુવિધાઓ મળીને આ બાઇકને મજબૂત અને સ્થિર બનાવે છે.
રૉયલ એનફિલ્ડ 350 ના ફિચર્સ
રૉયલ એનફિલ્ડે નવી હન્ટર 350 માં ઘણી શાનદાર સુવિધાઓનો સમાવેશ કર્યો છે. આમાં તમને ડ્યુઅલ-ચેનલ ABS, 300mm ફ્રન્ટ ડિસ્ક બ્રેક (ટ્વીન-પિસ્ટન ફ્લોટિંગ કેલિપર સાથે) અને 270mm રીઅર ડિસ્ક બ્રેક (સિંગલ-પિસ્ટન ફ્લોટિંગ કેલિપર સાથે) મળશે. આ ઉપરાંત, બાઇકમાં ડિજી-એનાલોગ ઇન્સ્ટ્રુમેન્ટ ક્લસ્ટર અને ટાઇપ-સી યુએસબી ફાસ્ટ ચાર્જર જેવી આધુનિક સુવિધાઓ પણ છે, જે સવારીને વધુ આરામદાયક બનાવે છે.
કંપનીએ નવી રૉયલ એનફિલ્ડ હન્ટર 350 ત્રણ વેરિઅન્ટમાં લૉન્ચ કરી છે, જેમાં બેઝ વેરિઅન્ટની કિંમત રૂ. 1.50 લાખ, મિડ વેરિઅન્ટની કિંમત રૂ. 1.77 લાખ અને ટોપ વેરિઅન્ટની કિંમત રૂ. 1.82 લાખ (બધા એક્સ-શોરૂમ) છે, જેનાથી ગ્રાહકો તેમની પસંદગી અને બજેટ અનુસાર શ્રેષ્ઠ મોડેલ પસંદ કરી શકે છે.
ટોપ સ્ટોરી
ટ્રેન્ડિંગ સમાચાર
