આજથી શરુ થયું Skoda ની નવી SUV Kylaq નું બુકિંગ, જાણો શું છે આ કારની કિંમત
આ કારની પ્રારંભિક એક્સ-શોરૂમ કિંમત 7.89 લાખ રૂપિયા છે અને ટોપ વેરિઅન્ટની કિંમત 13.35 લાખ રૂપિયા છે.
સ્કોડા ઇન્ડિયાની નવી SUV Kylaq લૉન્ચ થયા બાદ Kylaq માટે આજે સાંજે 4 વાગ્યાથી બુકિંગ શરૂ કરવામાં આવ્યું છે. ગ્રાહકો લાંબા સમયથી સ્કોડાની આ કારની રાહ જોઈ રહ્યા હતા. સ્કોડાની આ નવી SUV Kylaqમાં ઘણા ફીચર્સ જોવા મળશે. કારની શરૂઆતી કિંમત માત્ર 7.89 લાખ રૂપિયા છે. આજે 2 ડિસેમ્બરે લોકો સાંજે 4 વાગ્યાથી આ કારનું બુકિંગ કરાવી શકે છે.
Skoda Kylaqનું બુકિંગ આજથી શરૂ
સ્કોડા કાયલેકનું બુકિંગ આજે સાંજે 4 વાગ્યાથી શરૂ થયું છે. કારની ડિલિવરી પણ 27 જાન્યુઆરી, 2025થી શરૂ થશે. જાન્યુઆરી 2025માં યોજાનારી ભારત મોબિલિટી 2025માં પણ આ કારનું પ્રદર્શન કરવામાં આવશે. 8 લાખથી ઓછી કિંમતની આ નવી SUVમાં શાનદાર ફીચર્સ છે.
સ્કોડા Kylaq ડિઝાઇન
Skoda Kylaqની ડિઝાઈન એકદમ આકર્ષક છે. સ્ટાઇલિશ હોવા ઉપરાંત આ કારની સાઈઝ કોમ્પેક્ટ છે. આવી સ્થિતિમાં, તમને શહેરમાં કાર ચલાવવાનું વધુ સરળ લાગશે. કારમાં 17 ઈંચના એલોય વ્હીલ્સ છે. તમને આ કારમાં ઘણા બધા કલર ઓપ્શન પણ મળશે, જેમાં લાવા બ્લુ, ટોર્નેડો રેડ, કાર્બન સ્ટીલ, બ્રિલિયન્ટ સિલ્વર અને કેન્ડી વ્હાઇટ જેવા રંગોનો સમાવેશ થાય છે. સ્કોડા Kylaqની ઈન્ટિરિયર ડિઝાઈન પણ ખૂબ જ અદભૂત છે. કારમાં તમને ડ્યુઅલ ડિજિટલ સ્ક્રીન, સંચાલિત ડ્રાઈવર સીટ, લેધરેટ અપહોલ્સ્ટરી, કનેક્ટેડ કાર ટેક્નોલોજી, એમ્બિયન્ટ લાઇટિંગ અને કેન્ટનની 6-સ્પીકર સાઉન્ડ સિસ્ટમ મળશે.
The Škoda Kylaq booking is now live. Bold, stylish, and engineered to inspire - make it yours today!
— Škoda India (@SkodaIndia) December 2, 2024
Book now - https://t.co/JaLMuhKS6k#SkodaKylaq #SkodaIndiaNewEra pic.twitter.com/rzgvN12j6y
Skoda Kylaq સુરક્ષા અને એન્જિન
Skoda Kylaq માં તમને સુરક્ષા માટે 6 એરબેગ્સ આપવામાં આવી છે. કારમાં, તમને EBD સાથે ABS, ટ્રેક્શન કંટ્રોલ, Isofix ચાઇલ્ડ સીટ માઉન્ટિંગ પોઇન્ટ, હેડરેસ્ટ અને 3-પોઇન્ટ સીટ બેલ્ટ આપવામાં આવ્યા છે. નવી Skoda Kylaqમાં 1 લિટર TSi પેટ્રોલ એન્જિન છે, જે 114bhpનો પાવર અને 178Nmનો ટોર્ક જનરેટ કરે છે. આ એન્જિન 6-સ્પીડ મેન્યુઅલ અને 6-સ્પીડ ઓટોમેટિક ગિયરબોક્સથી સજ્જ છે.
કારની કિંમત શું હશે ?
આ કારની પ્રારંભિક એક્સ-શોરૂમ કિંમત 7.89 લાખ રૂપિયા છે અને ટોપ વેરિઅન્ટની કિંમત 13.35 લાખ રૂપિયા છે. આ કાર કંપનીનું ત્રીજું મોડલ છે, જેને સ્થાનિક સ્તરે વિકસાવવામાં આવ્યું છે. અગાઉ સ્કોડા કુશક અને સ્કોડા સ્લેવિયાનું ઉત્પાદન સ્થાનિક સ્તરે થતું હતું.
કંપનીએ એક લિટર પેટ્રોલમાં 20.32 કિલોમીટરનું અંતર કાપવાનો પણ દાવો કર્યો છે. ગ્રાહકોને તેની ડિલિવરી આવતા વર્ષે 27 જાન્યુઆરીથી શરૂ થશે. જો કે, 'Kylaq' સમક્ષ મારુતિ સુઝુકીની Brezza, Tata Motors' Nexon, Hyundai's Venue અને Kia's Sonet મોડલ્સને સ્પર્ધા આપવાનો પડકાર છે.
ટોપ સ્ટોરી
ટ્રેન્ડિંગ સમાચાર
