Solar Car: ફોર વ્હિલર કારને પણ ભૂ પઈ દેશે આ થી-વ્હિલર સોલર કાર, ફ્રીમાં ચાલશે 1000kM
કાર બનાવનાર કંપની Aptera દ્વારા દાવો કરવામાં આવ્યો છે કે, આ કાર માત્ર સૂર્યના કિરણોથી જ ચાર્જ થશે અને એક વાર ચાર્જ કરવા પર 64 કિલોમીટરની ડ્રાઈવ રેન્જ આપી શકશે.
Solar Car: અમેરિકાની EV સ્ટાર્ટ-અપ કંપની Aptera Motorsએ ત્રણ પૈડાવાળી સોલર કાર તૈયાર કરી છે. જે માત્ર સૂર્યપ્રકાશથી ચાર્જ થાય છે. ચાર્જ કર્યા બાદ તેને 1,000 કિમી સુધી ચલાવી શકાય છે. આગળ અમે તમને આ કાર વિશે વિગતવાર માહિતી આપવા જઈ રહ્યા છીએ.
ડ્રાઇવ રેન્જ અને સ્પીડ
તેને બનાવનાર કંપની Aptera દ્વારા દાવો કરવામાં આવ્યો છે કે, આ કાર માત્ર સૂર્યના કિરણોથી જ ચાર્જ થશે અને એક વાર ચાર્જ કરવા પર 64 કિલોમીટરની ડ્રાઈવ રેન્જ આપી શકશે. બીજી તરફ જો આ કારની ટોપ સ્પીડની વાત કરીએ તો આ કાર 101 કિમીની ટોપ સ્પીડ પર દોડી શકશે. સાથે જ આ કાર માત્ર 4 સેકન્ડમાં 0-60 mphની સ્પીડ પણ પકડી શકે છે.
શું છે કારની કિંમત?
કંપનીએ આ કારની કિંમત લગભગ 27 લાખ રૂપિયા રાખી છે.
કાર્બન ફાઇબરનો ઉપયોગ
કંપનીએ આ કાર બનાવવામાં કાર્બન ફાઈબર અને ફાઈબર ગ્લાસનો ઉપયોગ કર્યો છે. કારનું વજન ઘટાડવા માટે કારમાં કાર્બન ફાઈબર અથવા ફાઈબર ગ્લાસનો ઉપયોગ કરવામાં આવે છે. આ સિવાય કાર્બન ફાઈબરથી બનેલી કાર પણ અન્ય કારની સરખામણીમાં વધુ ઝડપે દોડવા સક્ષમ છે.
છે એકદમ યૂનિક ડિઝાઇન
Aptera, જે કંપનીએ તેને બનાવ્યું છે તેણે તેને વિમાન જેવી ડિઝાઇનમાં બનાવ્યું છે, જેથી તે હાઇ સ્પીડમાં પણ ન્યૂનતમ પાવરનો વપરાશ કરી શકે. એટલે કે તેની ડિઝાઇન તેને વધુ સ્પીડ આપવામાં મદદ કરશે અને તે લગભગ 30% વીજળીનો વપરાશ કરશે. જે અન્ય ઈલેક્ટ્રિક અને હાઈબ્રિડ કાર કરતા વધુ સારી છે.
દૈનિક 64 કિમી મફત દોડશે
આ કારમાં હાજર સોલાર પેનલ તેને 40 માઈલ એટલે કે રોજના 64 કિલોમીટર સુધી પાવર આપવાનું કામ કરે છે. બીજી તરફ, આ કાર ફુલ ચાર્જ પર 1,000 કિલોમીટર સુધીની ડ્રાઈવ આપવામાં સક્ષમ છે.
કાર્બન ડાયોક્સાઇડ ઘટાડે
તેને બનાવનાર કંપનીએ આ કારને પર્યાવરણની દ્રષ્ટિએ ઘણી સારી ગણાવી છે. સૌર અને ઇલેક્ટ્રિક કાર હોવાને કારણે, દરેક કાર દર વર્ષે 14,000 પાઉન્ડ CO2 ઘટાડવામાં મદદ કરશે.
Electric Car: આ છે વિશ્વની સૌથી શ્રેષ્ઠ ઈલેક્ટ્રિક કાર, જાણો શું છે ખાસિયત
તમે જાણો છો કે વિશ્વની સૌથી ઝડપી ઇલેક્ટ્રિક કાર કઈ છે? જો નહીં, તો આજે અમે તમને આવી જ એક કાર વિશે જણાવવા જઈ રહ્યા છીએ, આ કારનું નામ છે રિમેક નેવેરા. આ કાર બનાવનારી કંપનીએ દાવો કર્યો છે કે આ કાર 412 કિમી પ્રતિ કલાકની ઝડપે દોડી શકે છે. કંપનીએ જર્મનીમાં સ્થિત તેના ઓટોમોટિવ ટેસ્ટિંગ પેપેનબર્ગ ટ્રેક પર આ ઇલેક્ટ્રિક વાહનની ઝડપનું પરીક્ષણ કર્યું છે, જેની લંબાઈ સીધી 4 કિમી છે. આ કાર માત્ર 1.95 સેકન્ડમાં 0-100ની સ્પીડ પકડી શકે છે.
ટોપ સ્ટોરી
ટ્રેન્ડિંગ સમાચાર
