Crime News: મેલબોર્નમાં ભારતીય વિદ્યાર્થીની ચાકુ મારીને હત્યા, જાણો શું થયો હતો વિવાદ 

ઓસ્ટ્રેલિયાના મેલબોર્નમાં એક ચોંકાવનારો કિસ્સો સામે આવ્યો છે. અહીં, ભાડાને લઈને કેટલાક ભારતીય વિદ્યાર્થીઓ વચ્ચેની લડાઈ દરમિયાન 22 વર્ષીય વિદ્યાર્થીની કથિત રીતે છરીના ઘા મારીને હત્યા કરવામાં આવી છે.

( Image Source :ABP Live AI )

Crime News: ઓસ્ટ્રેલિયાના મેલબોર્ન શહેરમાં એક ચોંકાવનારો કિસ્સો સામે આવ્યો છે. અહીં, ભાડાને લઈને કેટલાક ભારતીય વિદ્યાર્થીઓ વચ્ચેની લડાઈ દરમિયાન 22 વર્ષીય વિદ્યાર્થીની કથિત રીતે છરીના ઘા મારીને હત્યા કરવામાં આવી છે. બીજી તરફ પીડિતના કાકાએ જણાવ્યું કે મૃતક એમટેકનો વિદ્યાર્થી હતો. તેમણે જણાવ્યું કે આ ઘટનામાં અન્ય એક વિદ્યાર્થી ગંભીર રીતે ઘાયલ થયો છે. મેલબોર્નમાં શનિવારે સ્થાનિક સમય અનુસાર રાત્રે 9 વાગ્યે વિદ્યાર્થીઓ વચ્ચે ઝઘડો થયો હતો.

ટાઈમ્સ ઓફ ઈન્ડિયાના અહેવાલ મુજબ પીડિત વિદ્યાર્થીના કાકાનું કહેવું છે કે આ ઘટના સ્થાનિક સમય અનુસાર શનિવારે રાત્રે 9 વાગ્યે બની હતી. તેણે કહ્યું કે તેનો ભત્રીજો નવજીત તેનો સામાન લેવા તેના મિત્ર સાથે તેના ઘરે ગયો હતો. પીડિતના કાકા યશવીરે જણાવ્યું હતું કે નવજીત પર અન્ય વિદ્યાર્થીએ છરી વડે જીવલેણ હુમલો કર્યો હતો જ્યારે તે ભાડાના મુદ્દે કેટલાક ભારતીય વિદ્યાર્થીઓ વચ્ચેની લડાઈમાં દરમિયાનગીરી કરવાનો પ્રયાસ કરી રહ્યો હતો.

દરમિયાનગીરી કરવી ભારે પડી

પીડિત નવજીતના કાકા યશવીરે જેઓ જુલાઈમાં આર્મીમાંથી નિવૃત્ત થવાના છે તેમણે વધુમાં જણાવ્યું હતું કે, "નવજીતના મિત્રનો અન્ય ભારતીય વિદ્યાર્થી સાથે સામાન હતો, જે તેણે ઘરે લઈ જવાનો હતો. નવજીત પાસે કાર હોવાથી તેણે તેને તેની સાથે આવવા કહ્યું જેથી કરીને તેનો સામાન ઘરે પહોંચાડી શકાશે.

દરમિયાન જ્યારે તેનો મિત્ર અંદર હતો ત્યારે નવજીતે બૂમો સાંભળી અને તેણે ઝઘડો થતો જોયો. જ્યારે નવજીતે તેમને લડતા અટકાવવા દરમિયાનગીરી કરવાનો પ્રયાસ કર્યો ત્યારે આરોપી વિદ્યાર્થીઓએ તેમની છાતી પર હુમલો કર્યો હતો.

આરોપી યુવક કરનાલનો રહેવાસી છે

પ્રાપ્ત માહિતી અનુસાર, નવજીતની જેમ કથિત આરોપી પણ કરનાલનો રહેવાસી છે. મૃતકના કાકા યશવીરે જણાવ્યું કે નવજીતનો મિત્ર જેની સાથે તે હતો તે પણ આ ઘટનામાં ઘાયલ થયો હતો. નવજીતના પરિવારને સવારે ઘટનાની જાણકારી મળી. હાલમાં આ સમાચાર સાંભળીને પરિવાર આઘાતમાં છે.

પિતાએ અભ્યાસ માટે દોઢ એકર જમીન વેચી  હતી

મૃતકના કાકા યશવીરનું કહેવું છે કે નવજીત તેજસ્વી વિદ્યાર્થી હતો અને તેને જુલાઈમાં તેના પરિવાર સાથે રજાઓ ગાળવા જવાનું હતું. કાકાએ જણાવ્યું કે નવજીત દોઢ વર્ષ પહેલા સ્ટડી વિઝા પર ઓસ્ટ્રેલિયા ગયો હતો. દરમિયાન, નવનીતના પિતા, જે એક ખેડૂત છે.  તેના શિક્ષણ માટે તેમની દોઢ એકર જમીન વેચી દીધી હતી. તેમણે કહ્યું કે અમે ભારત સરકારને અપીલ કરીએ છીએ કે મૃતદેહને વહેલામાં વહેલી તકે પરત લાવવામાં અમારી મદદ કરે.