ચંડીગઢ MMS કાંડમાં મોટો ખુલાસો, આરોપી યુવતીને સૈન્યનો જવાન કરી રહ્યો હતો બ્લેકમેઇલ

પંજાબની ચંડીગઢ યુનિવર્સિટીમાં MMS ઘટના અંગે મોટો ખુલાસો થયો છે.

વિરોધ પ્રદર્શન કરતી ચંડીગઢ યુનિવર્સિટીની વિદ્યાર્થીનીઓ

Chandigarh University MMS Case: પંજાબની ચંડીગઢ યુનિવર્સિટીમાં MMS ઘટના અંગે મોટો ખુલાસો થયો છે. એવું કહેવામાં આવી રહ્યું છે કે જે યુવતીએ વિદ્યાર્થિનીઓનો વીડિયો બનાવ્યો હતો તેને ભારતીય સેનાનો જવાન બ્લેકમેઇલ કરી રહ્યો હતો. આ જ વ્યક્તિ યુવતીને વિદ્યાર્થિનીઓનો અશ્લીલ વીડિયો બનાવવા માટે દબાણ કરતો હતો. આરોપી યુવતીના જૂનો મિત્રએ યુવતીનો અશ્લિલ વીડિયો આ જવાનને આપ્યો હતો. બાદમાં આ વીડિયોને લીક કરવાની ધમકી આપીને સેનાનો જવાન અન્ય યુવતીઓના વીડિયો બનાવવા દબાણ કરતો હતો.

આર્મી જવાનની ધરપકડ કરવામાં આવશે

તપાસમાં જાણવા મળ્યું છે કે આ જવાન જમ્મુનો રહેવાસી છે અને તેનું નામ સંજીવ કુમાર હોવાનું કહેવામાં આવી રહ્યું છે. હાલમાં તે અરુણાચલ પ્રદેશના એટા નગર પાસે તૈનાત છે. જોકે, પોલીસના જણાવ્યા અનુસાર આરોપી યુવતીએ હોસ્ટેલની છોકરીઓનો કોઈ વીડિયો બનાવી શકી ન હતી. ફોનમાં તેનો પોતાનો વીડિયો હતો. ફોરેન્સિક એક્સપર્ટે મોબાઈલ ફોનની તપાસ કર્યા બાદ પોલીસને આ વાત જણાવી છે. આ કેસમાં હવે પોલીસ આર્મી જવાન સંજીવ કુમારની ધરપકડ કરીને પૂછપરછ કરશે.

યુવતીઓને આવતા ધમકીભર્યા ફોનની તપાસ શરૂ કરી

વીડિયો સ્કેન્ડલ દરમિયાન યુનિવર્સિટીના કેટલીક વિદ્યાર્થીનીઓને ધમકીભર્યા કોલ આવ્યા હોવાની વાત સામે આવી છે. પોલીસે આ અંગે પણ તપાસ શરૂ કરી છે. પોલીસ અધિકારીઓનું કહેવું છે કે વિદ્યાર્થિનીઓને વિદેશમાંથી ધમકીભર્યા ફોન આવવાની વાત કહેવામાં આવી રહી છે. તપાસમાં જોવામાં આવી રહ્યું છે કે હકીકતમાં વિદેશથી કોલ આવ્યો છે કે તેના જ દેશમાં બેઠેલા કેટલાક તોફાની તત્વોએ આ ગેમ રમી છે કારણ કે આવી ઘણી એપ્સ છે જેનાથી આવા કોલ શક્ય છે. બીજું એ પણ તપાસ કરવામાં આવી રહી છે કે વિદ્યાર્થિનીઓનો નંબર આ લોકો સુધી કેવી રીતે પહોંચ્યો. કોઈને પણ બક્ષવામાં આવશે નહીં.

 

આ પણ વાંચોઃ