સુરતમાં ચરસના ગુનામાં 11 વર્ષથી નાસતો ફરતો વોન્ટેડ આરોપી ઝડપાયો
Surat News : આરોપી અને તેની પત્ની સામે 2011માં નાર્કોટિક્સનો ગુનો દાખલ કરવામાં આવ્યો હતો.
SURAT : પ્રતિબંધિત ચરસના ગુનામાં 11 વર્ષથી વોન્ટેડ આરોપી આખરે પોલીસના હાથે ઝડપાઇ ગયો છે. સુરતની એસઓજી પોલીસે મહારાષ્ટ્રના નાસિકથી ઝડપી પાડ્યો છે. આરોપી યુનુસ શેખ મુંબઇથી ચરસ લાવી નાસિક અને સુરતમાં સપ્લાય કરતો હતો.11 વર્ષ પહેલાં યુનુસે મકલાવેલ 91 હજારની કિંમતનો ચરસનો જથ્થો ચોકબજાર વિસ્તારમાંથી ઝડપાયો હતો.પોલીસથી બચવા માટે વોન્ટેડ આરોપી યુનુસ વારંવાર રહેઠાણ બદલતો રહેતો હતો. હાલ તે લગ્નમાં ઘોડા અને બગ્ગી ભાડે આપવાનું કામ કરતો હતો.
સુરત પોલીસ કમિશનરની શહેરમાં ‘નો ડ્રગ ઈન સુરત સીટી’ અભિયાન અંતર્ગત અપાયેલી સચુના મુજબ PI આર.એસ.સુવેરા તથા PSI વી.સી.જાડેજાએ સુરત શહેરના અલગ અલગ પોલીસ સ્ટેશનોમાં નોંધાયેલ નાર્કોટિક્સ ગુનામાં ઘણા લાંબા સમયથી
નાસતા ફરતા આરોપીઓના ડેટાને એકત્રીત કર્યા હતા. જે ડેટાને એનાલીસીસ કરી અન્ય રાજ્યોમાં રહેતાનાસતા-ફરતા આરોપીઓને અલગ તારવી આવા ગુનેગારોને જબ્બે કરવા એસ.ઓ.જી.ના અધિકારીઓ અને માણસોની અલગ અલગ ટીમો બનાવવામાં આવી હતી જે ટીમો દ્વારા ખાનગી સોર્સીસ તથા ટેકનીકલ સર્વેલન્સ આધારે તપાસ કરવામાં આવી હતી. જે દરમિયાન એસ.ઓ.જી.,ના PC રાજેશભાઈને બાતમી મળી હતી કે વર્ષ 2011માં ચોકબજાર પોલીસ સ્ટેશન હદ્દ વિસ્તારમાંથી સુરત શહેર
એસ.ઓ.જી.,દ્વારા એક દંપત્તિ ઓટોરીક્ષામાં 91,200 રૂપિયાની કિંમતના 312 ગ્રામ પ્રતિબંધિત ચરસ સાથે ઝડપી પાડવામાાં આવેલ હતા. જે બાબતે તેમના વિરુદ્ધમાં ચોક બજાર પોલીસ સ્ટેશનમાં નાર્કોટિક્સનો ગુનો દાખલ કરવામાં આવ્યો હતો. આ ગુનામાં પકડાયેલ દંપત્તિને ચરસનો જથ્થો સપ્લાય કરનાર મુખ્ય આરોપી નાસતો ફરે છે અને તે મહારાષ્ટ્રના નાસિક ખાતે છુપાઈને રહતો હોવાની હકીકત મળી હતી.
આ બાબતની તાપસ કરતા હકીકત સાચી જુલાઈ હતી, પરંતુ ચાલાક આરોપી એક જ જગ્યાએ સ્થાયી થઈને રહેતો ન હોવાનું જાણવામાં આવ્યું હતું. બાતમી માલ્ટા પોલીસ સ્ટાફ મહારાષ્ટ્રના નાસિક ખાતે રવાના થયેલા અને ત્યાં આરોપીની જરૂરી માહિતી મેળવી, વોચ ગોઠવી આરોપી યુનુસ રઝાક શેખને ઝડપી પાડ્યો હતો.
ટ્રેન્ડિંગ સમાચાર
ટોપ સ્ટોરી
