CRIME NEWS: જેતપુરમાં સામાન્ય બોલાચાલી બાદ યુવકની હત્યા, પોલીસનો કાફલો ઘટના સ્થળે

CRIME NEWS: રાજકોટ જિલ્લાના જેતપુરમાં હત્યાનો બનાવ સામે આવ્યો છે. જેતપુરનાં ભોજાધાર વિસ્તારમાં બે યુવાનો વચ્ચે સામાન્ય બોલાચાલી બાદ મામલો હત્યામાં પરિણમ્યો હતો.

જીગ્નેશ નરસોતરાની હત્યા કરી આરોપી ફરાર

CRIME NEWS: રાજકોટ જિલ્લાના જેતપુરમાં હત્યાનો બનાવ સામે આવ્યો છે. જેતપુરનાં ભોજાધાર વિસ્તારમાં બે યુવાનો વચ્ચે સામાન્ય બોલાચાલી બાદ મામલો હત્યામાં પરિણમ્યો હતો. ભોજાધાર વિસ્તારના સાડીના કારખાના પાછળનાં વિસ્તારમાં બે યુવકો વચ્ચે તકરાર બાદ હત્યાની ઘટનાથી સમગ્ર વિસ્તારનાં ચકચાર મચી ગયો છે. મૃતકનું નામ જીગ્નેશ નરસોતરા છે. જીગ્નેશ નરસોતરાની હત્યા કરી યુવક ફરાર  થઈ ગયો છે. યુવકના મૃતદેહને પોસ્ટમોર્ટમ અર્થે જેતપુર સરકારી હોસ્પિટલ ખાતે ખસેડવામાં આવ્યો છે.  જેતપુર સીટી પોલીસ, એલસીબી સહિતનો પોલીસ સ્ટાફ ઘટના સ્થળે પહોંચી તપાસ હાથ ધરી છે અને આરોપીને પકડવા પોલીસે ચક્રો ગતિમાન કર્યા છે.

વાપીમાં 6 વર્ષની બાળકીનું અપહરણ

વાપીના કરવડમાં 6 વર્ષીય બાળકીનું અપહરણ કરવામાં આવ્યું હતું. જો કે, વલસાડ પોલીસે સતર્કતા વાપરી 24 કલાકમાં જ આરોપીને દબોચી લીધો હતો. પોલીસે આરોપીને મધ્યપ્રદેશથી ઝડપી પાડયો હતો. આરોપી બાળકીને નેપાળ લઈ જવાનો હોવાની આશંકા વ્યક્ત કરવામાં આવી રહી છે. ભોગ બનેલ બાળકી કરવડના એક કંસ્ટ્રસ્કશનમાં કામ કરતા એક શ્રમજીવી પરિવારની હતી. ત્યાં જ સાથે કામ કરતા શ્રમજીવીએ 6 વર્ષીય બાળકીનું અપહરણ કર્યું હતું. હાલમાં વલસાડ પોલીસ આરોપીને એમપીથી ગુજરાત લાવવાની કામગીરી કરી રહી છે. તપાસમાં અનેક ચોંકાવનારા ખુલાસા થવાની શક્યતા છે.

સુરતમાં સાારવાર માટે આવેલી મહિલા સાથે ડોક્ટરે કર્યા અડપલા

સુરત: ઉન ગભેણી રોડ પર આવેલ સમ્સ ક્લિનિકના ડોક્ટર સામે શારીરિક અડપલાનો મહિલાએ આક્ષેપ કરતા ચકચાર મચી જવા પામી છે. પેટમાં દુખાવો થતાં સારવાર માટે હોસ્પિટલે આવેલી મહિલા સાથે ડોક્ટરે ગેરવર્તન કર્યું હોવાની વાત સામે આવી છે. પેટના ભાગે ચેક કરતા ડોકટરે પ્રાઇવેટ પાર્ટ પર સ્પર્શ કરતા મહિલા ગભરાઈ ગઈ હતી. હાલમાં સચિન જીઆઇડીસી પોલીસ મથકમાં ડોક્ટર મકસુદ સામે છેડતીની ફરિયાદ નોંધાઈ છે. જે બાદ સચિન જીઆઇડીસી પોલીસે ડોક્ટર મકસુંદની ધરપકડ કરી આગળની કાર્યવાહી હાથ ધરી છે.

અમેરિકામાં ગુજરાતી દંપત્તિની ગોળી મારી હત્યા કરવામાં આવતા હડકંપ

અરવલ્લી: અમેરિકામાં ફરીવાર ગુજરાતીઓ પર હુમલો કરવામાં આવ્યો છે. અમેરિકામાં અરવલ્લીના મેઘરજના દંપત્તિની હત્યા કરવામાં આવી છે. અમેરિકામાં ગત ૬ તારીખે ગોળી મારી બન્નેની હત્યા કરવામાં આવી હતી. મોટેલ વ્યવસાય સાથે જોડાયેલ વેપારીની હત્યાથી ચકચાર મચી ગયો છે. અગાઉની અદાવત રાખી ગોળીમારી હત્યા કરવામાં આવી હતી. મેઘરજના શેઠ રજનીકાંત વલ્લભદાસ અને પત્ની નિરીક્ષાબેનની હત્યાથી સમગ્ર પંથકમાં શોકનો માહોલ છે. મેઘરજ ખાતે પરિવારજનોને આજે જાણ કરાઈ છે. અમેરિકામાં વારંવાર ગુજરાતીઓ પર હુમલાથી લોકોમાં રોષ જોવા મળી રહ્યો છે.