Lok Sabha Election Results 2024: સતત ત્રીજી વખત સરકાર બનાવીશું, દેશવાસીઓનો ઋણી છુઃ પીએમ મોદી

PM મોદીએ કહ્યું આ 140 કરોડ ભારતીયોની જીત છે. હું ચૂંટણી પંચને પણ અભિનંદન આપીશ. ચૂંટણી પંચે વિશ્વની સૌથી મોટી ચૂંટણી આટલી અસરકારક રીતે હાથ ધરી.

પીએમ મોદી

Source : ABP Live

PM Modi Speech Highlights: વડાપ્રધાન નરેન્દ્ર મોદી દિલ્હીમાં બીજેપી હેડક્વાર્ટર પહોંચ્યા હતા.. કાર્યકરો દ્વારા તેમનું ભવ્ય સ્વાગત કરવામાં આવ્યું હતું. તેમની સાથે રાજનાથ સિંહ, અમિત શાહ અને બીજેપી અધ્યક્ષ જેપી નડ્ડા હાજર હતા.

• બીજેપી હેડક્વાર્ટર ખાતે પીએમ મોદીએ કહ્યું કે આ લોકશાહીની જીત છે. તેમણે કહ્યું, 'આપણે બધા ભારતના લોકોના ઋણી છીએ. જનતાએ એનડીએ અને ભાજપ પર પૂર્ણ વિશ્વાસ વ્યક્ત કર્યો છે. આજની જીત વિશ્વની સૌથી મોટી લોકશાહીની જીત છે. ભારતના બંધારણ પ્રત્યેની અતૂટ વફાદારીની આ જીત છે. આ વિકસિત ભારતના વચનની જીત છે. આ બધાના સાથ, સૌના વિકાસની જીત છે.   આ 140 કરોડ ભારતીયોની જીત છે.
• આજે હું દેશના ચૂંટણી પંચને પણ અભિનંદન આપીશ. ચૂંટણી પંચે આટલી કાર્યક્ષમતા સાથે વિશ્વની સૌથી મોટી ચૂંટણી યોજી છે. લગભગ 100 કરોડ મતદારો, 11 લાખ મતદાન મથકો, 1.5 કરોડ મતદાન કર્મચારીઓ, 55 લાખ વોટિંગ મશીનો સાથે કામ કર્યું. દરેક ભારતીયને ભારતની ચૂંટણી પ્રક્રિયા અને સમગ્ર ચૂંટણી પ્રણાલી પર ગર્વ છે.
• હું પ્રભાવકો અને અભિપ્રાય નિર્માતાઓને કહીશ કે ચૂંટણી પ્રક્રિયા એ ભારતીય લોકશાહીની તાકાત છે. આ પોતાનામાં ખૂબ જ ગર્વની વાત છે. આ ચૂંટણી, આ જનાદેશના અનેક પાસાઓ છે. પ્રથમ વખત, કોઈ સરકાર તેની બે ટર્મ પૂરી કરીને ત્રીજી વખત પરત આવી છે.
• પીએમ નરેન્દ્ર મોદીએ કહ્યું કે આજનો દિવસ ખૂબ જ શુભ છે અને આ શુભ દિવસે NDA ત્રીજી વખત સરકાર બનાવશે. અમે સૌ જનતાના આભારી છીએ. આજની જીત વિશ્વની સૌથી મોટી લોકશાહીની જીત છે.
• પીએમ મોદીએ કહ્યું કે જમ્મુ-કાશ્મીરના મતદારોએ આ ચૂંટણીમાં રેકોર્ડ મતદાન કરીને અભૂતપૂર્વ ઉત્સાહ દર્શાવ્યો છે અને વિશ્વભરમાં ભારતને બદનામ કરનારી શક્તિઓને અરીસો બતાવ્યો છે.
• પીએમ મોદીએ પોતાના સંબોધનમાં માતા હીરાબેનનો ઉલ્લેખ કર્યો હતો. પીએમ મોદી તેમનો ઉલ્લેખ કરતા ભાવુક થઈ ગયા હતા. તેમણે કહ્યું કે મારી માતા વિના આ મારી પ્રથમ ચૂંટણી છે, પરંતુ આ દેશની દરેક મહિલા અને પુત્રીએ મને તે ખોટ વર્તાવા દીધી નથી.

#WATCH via ANI Multimedia | LIVE: PM Narendra Modi to arrive at BJP Headquarter | Lok Sabha Elections 2024 Result | LS Electionshttps://t.co/qIul6f9Dql

— ANI (@ANI) June 4, 2024