ફરહાન અખ્તરે પોતાની નવી ગર્લફ્રેન્ડ સાથેની તસવીર કરી શેર, આ રીતે કરી પોતાના રિલેશનશિપની જાહેરાત

અંતે ફરહાન અખ્તરે આ તસવીર શેર કરતાની સાથે જ શિબાની દાંડેકર સાથેના પોતાના રિલેશનશિપની જાહેરાત કરી દિધી છે. આ તસવીર શેર કરતા ફેન્સ ફરહાન-શિબાનીને શુભકામનાઓ આપી રહ્યા છે.

ફરહાન અખ્તરે પોતાના ઈન્સ્ટાગ્રામ એકાઉન્ટ પર શિબાની સાથેની તસવીર શેર કરી છે. આ તસવીરમાં ફરહાન અને શિબાની એકબીજાના હાથમાં હાથ નાથી રસ્તા પર ચાલતા જોવા મળી રહ્યા છે.

મુંબઈ: બોલીવૂડ અભિનેતા ફરહાન અખ્તરનું નામ શિબાની દાંડેકર સાથે જોડાયું છે. બંને એકબીજાને ડેટ કરી રહ્યા હોવાની ચર્ચાએ ત્યારે જોર પકડ્યું જ્યારે શિબાનીએ ફરહાન સાથેની તસવીર શેર કરી હતી. ડેટિંગની ખબરો વચ્ચે બંને સ્ટાર્સે અફેર બાબતે મૌન ધારણ કર્યું હતું. એવામાં ફરહાન અખ્તરે શિબાની સાથેની તસવીર શેર કરી પોતાના રિલેશનશિપનો ખૂલાસો કરી દિધો છે.