બોલીવુડના દિગ્ગજ અભિનેતા દિલીપ કુમારની પત્નીએ PM પાસે માંગી મદદ, જાણો વિગત

મુંબઈઃ દિગ્ગજ અભિનેતા દિલીપ કુમારની પત્ની સાયરા બાનોએ વડાપ્રધાન નરેન્દ્ર મોદીની મદદ માંગી છે. દિલીપ કુમારના બંગલાના બે પ્લોટ પર માલિકી હકનો જૂઠ્ઠો દાવો કરનારો બિલ્ડર સમીર ભોજવાની જેલમાંથી મુક્ત થતાં તેને ધ્યાનમાં રાખીને સાયરા બાનોએ પીએમ પાસે મદદ માંગી છે.

આ પહેલા સાયરા બાનોએ પોલીસનો સંપર્ક કર્યો હતો અને ભોજવાની સામે ફરિયાદ નોંધાવી હતી. જાન્યુઆરીમાં મુંબઈ પોલીસે દિગ્ગજ અભિનેતાને બંગલાને કથિત રીતે પચાવી પાડવાની કોશિશ માટે બિલ્ડર સામે મામલો નોંધ્યો હતો.