BSNL સિમ કાર્ડ વિનાનો મોબાઈલ ફોન લોંચ કરશે, જાણો ગુજરાતમાં ક્યા વિસ્તારોમાં થશે શરૂઆત?

બ્રોડબેન્ડ ગ્રાહકો માટે 45થી 600 જીબી સુધીના સસ્તા પડે તેવા હાઈસ્પીડ કોમ્બો પ્લાન્સ અને લેન્ડ લાઈન પ્લાન શરૂ કરવામાં આવ્યા છે. વધુ સ્પીડ અને બધાં જ નેટવર્ક પર અનલિમિટેડ ફ્રી કોલિંગની સુવિધા આપવામાં આવશે. 6 મહિના બાદ રેગ્યુલર કોમ્બો પ્લાનમાં તેને તબદિલ કરવામાં આવશે. ખાસ સુવિધામાં બીએસએનએલ દ્વારા સ્વિંગ્સ સર્વિસ શરૂ કરી દેવામાં આવી છે. આ સુવિધા માટે કોઈ સિમ કાર્ડની જરૂરત નથી.

વલસાડ: વલસાડ, નવસારી, ડાંગ જિલ્લા અને દમણ, દાનહમાં બીએસએનલ દ્વારા સિમ કાર્ડ વિનાની મોબાઇલ ફોન સેવા શરૂ કરી કરવાની તૈયારી હાથ ધરવામાં આવી છે. આ સુવિધા સ્વિંગ્સ એપ્લિકેશનના નામે 1 ઓગષ્ટ 2018થી શરૂ કરવામાં આવશે. જેનું માત્ર રજિસ્ટ્રેશન કરાવી સિમકાર્ડ વિના જ મોબાઈલનો ઉપયોગ કરી શકાશે. લેન્ડ લાઈન પર આવતા ફોન પણ મોબાઇલ પર કનેક્ટ થઈ શકશે.

જીએમ પી.કે.સાસાહે જણાવ્યું હતું કે, પતંજલિના સભ્યો માટે સિમકાર્ડની સુવિધા શરૂ કરી દેવામાં આવી છે. જે તે પતંજલિના સભ્યો બન્યા હોય તેવા તમામ લોકોને સમગ્ર દેશમાં તમામ નેટવર્ક પર અમર્યાદ વોઇસ કોલ, એસએમએસ મળશે.

સિમકાર્ડ કે લેન્ડલાઇન વિના પણ કોલિંગ કરી શકાશે. નેશનલ ઈન્ટરનેશનલ રોમિંગ ફ્રી રહેશે. આ સર્વિસ દ્વારા ઈન્ટરનેશનલ કોલિંગ માટે લેન્ડલાઈનનો દર લાગૂ રહેશે. આ સુવિધા માટે એકવાર રૂપિયા 1099નો સર્વિસ ચાર્જ જ ચૂકવવો પડશે. જેનું રજિસ્ટ્રેશન 1 ઓગષ્ટથી ઓનલાઇન કરી દેવામાં આવશે.

વલસાડ ટેલિકોમ ડિસ્ટ્રિક્ટ જીએમ પી.કે.સાસાહાએ જણાવ્યું હતું કે, છેવાડા સુધીના લોકો માટે બીએસએનએલ દ્વારા કોઈપણ પ્રોવાઈડર કરતા સસ્તી નવી અનલિમિટેડ કોલ્સ અને ડેટાની ગ્રાહકલક્ષી યોજનાઓનો પ્રારંભ થઇ ચૂક્યો છે.